Синоптиклар казанлыларга көчле кар һәм җил фаразлый

Синоптиклар казанлыларга көчле кар һәм җил фаразлый

<p> (Казан шәһәре KZN.RU, 4-нче февраль). Иртәгә, 5 февральдә, Татарстан һәм аның башкаласы территориясендә һава торышы кискен начараячак: көчле кар, буран, бозлавык, көньяк-көнчыгыштан15-16 м/с кадәр көчле җил көтелә. Юлларда бозлавык саклана, урыны белән кар көртләре булырга мөмкин.<br> </p> <p> Казанда төнлә һава температурасы 18-20 градус салкын булачак, аязганда – минус 23 градуска кадәр, көндез – минус 8-10 градуска кадәр. Тулаем алганда, Татарстан буенча төнге сәгатьләрдә һава температурасы 18-23 градуска кадәр салкын булачак, көнчыгыш районнарда һәм аязган вакытта температура минус 28 градуска кадәр, ТР көньяк-көнбатышында – минус 10-15 градуска кадәр төшәчәк. 5 февральдә көндез Татарстан Республикасында максималь һава температурасы минус 6-11, көнчыгыш районнарда - минус 16 градуска кадәр, көньяк-көнбатышта – 1-6 градуска кадәр салкын булачак, дип хәбәр ителә ТР Гидрометеорология һәм әйләнә-тирә мохитне күзәтү идарәсе сайтында. </p> <p> Татарстан ЮХИДИ машина йөртүчеләрне юл хәрәкәте кагыйдәләрен тайпылышсыз үтәү турында кисәтә, шулай ук юл хәрәкәтендә катнашучыларның барысы да тәүлек буе дәүләт автоинспекциясе бүлекчәләренә ярдәм сорап мөрәҗәгать итә ала, дип искәртә. </p>

2019-02-04T15:38:00+0300