Синоптиклар казанлыларны 8 мартта көчле җил булачак дип кисәтә

Синоптиклар казанлыларны 8 мартта көчле җил булачак дип кисәтә

<p> (Казан шәһәре KZN.RU, 7-нче март). Синоптиклар республика һәм аның башкаласы халкын һава шартларының начарлануы турында кисәтә. 8-нче март көнне көндез көньяк-көнбатыштан исүче җилнең тизлеге секундына 16 метрга кадәр җитәргә мөмкин. </p> <p> Казанда төнлә алмашынучан болытлы һава торышы көтелә, явым-төшемсез булачак. Төнлә минималь һава температурасы 11-дән 13 градуска кадәр салкын булачак. Көндез максималь һава температурасы минус 2-4 градус тәшкил итәчәк. Көн ахырында һәм кич белән бераз кар явачак. </p> <p> 8-нче мартта Татарстан буенча тулаем алганда алмашынучан болытлы һава көтелә. Төнлә – явым-төшемсез. Көн ахырында Татарстан Республикасы көнбатышында урыны белән кар явачак. Төнлә термометр баганалары минус 11-16 градуска кадәр төшәчәк. Көндез һава температурасы 2-дән 7 градуска кадәр салкын булачак. </p> <p> 9-нчы һәм 10-нчы мартта Татарстанда кар, юеш кар һәм яңгыр кебек явым-төшемнәр көтелә. Ике көн дәвамында көчле җил булуы фаразлана. Шимбәгә каршы төндә, 9-нчы мартта, республикада температура 2-7, көнчыгышта 10 градуска кадәр салкын булачак. Якшәмбе төнендә – минус 4-тән +1 градуска кадәр. 9-нчы һәм 10-нчы мартта көндезге сәгатьләрдә температура минус 1 белән +4 градус арасында үзгәреп торачак. </p> <p> Юлларда бозлавык, урыны белән көчле үк, дип кисәтә ТР Гидрометеорология һәм әйләнә-тирә мохитне күзәтү идарәсе. </p>

2019-03-07T16:32:39+0300