Казан укучылары Европа кызлар математика олимпиадасында җиңде

Казан укучылары Европа кызлар математика олимпиадасында җиңде

<p> <img width="870" src="https://www.kzn.ru/upload/iblock/c39/28_n1734317_big.jpg" height="652"> </p> <p> (Казан шәһәре KZN.RU, 23-нче апрель). Казан укучылары Розалина Миргалимова һәм Ралина Йосыпова Россия җыелма командасы составында IX Европа кызлар математика олимпиадасының гомуми зачетында беренче урынны алды. Онлайн-режимда узган ярышларда җиңү өчен 53 илдән укучылар көрәште. </p> <p> Кызлар Казанның 131-нче номерлы лицеенда укый. Сынаулар нәтиҗәләре буенча 10-нчы сыйныф укучысы Розалина Миргалимова «алтын» яулый, ә сигезенче сыйныф укучысы Ралина Йосыпова «көмеш»кә ия була. </p> <p> Команданың тагын ике катнашучысы - мәскәүле Елизавета Неустроева һәм Санкт-Петербургтан Таисия Коротченко - алтын медальләр алды. </p> <p> Команда белән укытучылардан Алинә Сафиуллина, Ольга Нечаева һәм Кирилл Сухов җитәкчелек итте. </p> <p> Европа кызлар олимпиадасы 2012 елдан бирле мәктәп укучылары өчен ел саен үткәрелә. Командалар составына дүрт катнашучы керә. Киләсе олимпиада 2021 елның 9-нчы апреленнән 15-нче апрельгә кадәр Грузиядә узачак, дип хәбәр итә ТР Мәгариф министрлыгы матбугат хезмәте. </p>

2020-04-23T17:32:31+0300