Казан укучысы Кытайда үткән математика буенча олимпиадада җиңде

Ярышлар нәтиҗәләре буенча КФУның IT-лицее укучысы Анна Седова алтын медаль яулады.

(Казан шәһәре KZN.RU, 17-нче август). Анна Седова Казанга China Girls Mathematical Olympiad (CGMO) халыкара математика олимпиадасында яулаган алтын медаль белән кайта. КФУның IT-лицее укучысы иң яхшы нәитҗәләрнең берсен күрсәткән.

Олимпиада 11 августтан 16 августка кадәр Кытайның Чэнду (Chengdu) шәһәрендә үтте. Анда Сингапур, АКШ, Филиппин, Макао, Гонконг, Россия, Канада, Бөек Британия һәм Австралиядән югары сыйныфларда укучы кызлар катнашкан.

Анна Седова Россия җыелмасы составына кергән. Команда укучыларның математика буенча Бөтенроссия олимпиадасының Үзәк фән методик комиссиясе тарафыннан ел дәвамында укучы кызлар нәтиҗәләре рейтингы нигезендә формалашкан. Россия командасы барлыгы 2 алтын һәм 2 көмеш медаль яулаган, дип хәбәр итә ТР Мәгариф һәм фән министрлыгының матбугат хезмәте.

Шулай ук укыгыз

Барлык яңалыклар