Укучыларга тарих фәненнән бердәм дәүләт имтиханнарына әзерләнү буенча консультация бирәчәкләр

Укучыларга тарих фәненнән бердәм дәүләт имтиханнарына әзерләнү буенча консультация бирәчәкләр

<p> (Казан шәһәре KZN.RU, 20-нче май). 21-нче майда Казан укучылары тарих буенча БДИга әзерләнүгә бәйле онлайн-консультацияләргә кушыла ала. </p> <p> Дәресне Мәскәүдә тарих буенча БДИ фән комиссиясенең өлкән эксперты, 1210-нчы номерлы Мәскәү мәктәбенең тарих укытучысы, «Ел укытучысы» номинациясендә «Мәскәүнең ел укытучысы – 2018» конкурсы финалисты, «Мәскәү укытучысы» олимпиадасы җиңүчесе Евгений Кошелев үткәрәчәк. </p> <p> Туры эфирда ул тарих буенча БДИның контроль-бәя бирү материаллары структурасын һәм биремнәрне бәяләү критерийларын караячак. Моннан тыш, укытучы имтихан биремнәрен үтәүдә төп алымнарны, типик хаталарны ничек булдырмаска кирәклеген күрсәтәчәк, шулай ук әзерлек буенча киңәшләр, һәм кызыксындырган сорауларга җавап бирәчәк. </p> <p> Туры эфирны укучылар 21-нче майда 17.00 сәгатьтән 18.00 сәгатькә кадәр <a href="https://vk.com/ege" target="_blank">«ВКонтакте» социаль челтәрендә</a> бердәм дәүләт имтиханнарының рәсми берлегендә карый алачак. Язманы трансляциядән соң бергәлектә карарга мөмкин булачак. </p> <p> Исегезгә төшерәбез, лекцияләрне бердәм дәүләт имтиханы буенча онлайн-консультацияләр сериясе кысаларында Россия Мәгариф министрлыгы уздыра. Трансляцияләрнең җәдвәле белән «ВКонтакте»да танышырга була, дип хәбәр итә министрлыкның матбугат хезмәте. </p>

2019-05-20T14:51:39+0300