Башкала укучыларын Казан федераль университетында узачак Бердәм ачык ишекләр көненә чакыралар

Чара катнашу өчен теркәлергә кирәк

Денис Гордийко фотосы

Киләсе шимбәдә, 4 апрель көнне, Казан федераль университетында Бердәм ачык ишекләр көне уза. «Уникс» мәдәни-спорт комплексы мәйданчыгында югары уку йортының барлык институтлары һәм факультетлары белгечләре чыгыш ясаячак. Шулай ук ул көнне абитуриентлар өчен чаралар оештырыла.

Ачык ишекләр көнендә Сәләтле укучылар белән эшләү үзәгенең күргәзмәсе тәкъдим ителә. Теләге булган һәр кеше әзерлек курслары, олимпиадалар һәм югары уку йортына керү әзерлеге турында мәгълүмат белән таныша ала.

Казан университеты партнерлары күргәзмәсе абитуриентларга максатчан белем бирү заказчылары белән турыдан-туры аралашу мөмкинлеге бирә. Сорауларга ТР Мәгариф һәм фән министрлыгы, ТР Яшьләр эшләре министрлыгы, ТР Сәламәтлек саклау министрлыгы, Татарстан Республикасында Суд департаменты идарәсе һәм Казан вертолет заводы вәкилләре җавап бирәчәк.

Моннан тыш, 12:00–15:00 вакыт аралыгында «Уңыш формуласы – дөрес эшлибез: абитуриентлар һәм аларның ата-аналары өчен гомумшәһәр җыелышы» кысаларында максатчан укыту механизмнары турында фикер алышу чарасы көтелә. Хезмәт министрлыгы вәкиле, ТР Халыкны эш белән тәэмин итү үзәге директоры Тимур Муллин чарада катнашучыларга киләчәктә кирәкле һөнәрләр турында сөйләячәк. Шулай ук Казан федераль университетында кабул итү комиссиясенең җаваплы сәркатибе Александр Бибик белән «Ачык микрофон» чарасы билгеләнгән. 15:00 сәгатьтән 16:00 сәгатькә кадәр «Белем» Россия җәмгыяте вәкилләре лекция укыячак, дип хәбәр итә Казан федераль университеты матбугат хезмәте.

Бу көнне булачак студентларны югары уку йортына кабул итү кагыйдәләре белән таныштырачаклар. Казан федераль университетында бакалавр һәм белгечлек юнәлешләре буенча казанышлар өчен баллар өстәлә. Тулы исемлек белән сылтама буенча танышырга була.

Чара 12:00 сәгатьтә башлана. Анда катнашу өчен теркәлергә кирәк.

Шулай ук укыгыз

Барлык яңалыклар