Казан укучылары химия һәм биология буенча Пирогов олимпиадасында катнаша алачак

Сайлау этабы 25-нче ноябрьдән 27-нче ноябрьгә кадәр узачак.

Фото: Н.И.Пирогов исемендәге Россия милли тикшеренү медицина университеты матбугат хезмәте

(Казан шәһәре KZN.RU, 2-нче ноябрь). 31-нче октябрьдән Н.И.Пирогов исемендәге Россия милли тикшеренү медицина университетында укучылар өчен химия һәм биология буенча Пирогов олимпиадасының читтән торып сайлап алу этабында катнашу өчен гаризалар кабул итү башланды. Анда гомуми белем бирү оешмаларының 10-11-нче сыйныф укучылары һәм һөнәри белем бирү оешмалары студентлары катнаша ала.

Олимпиада ике этаптан торачак. Беренчесе - сайлап алу этабы, дистанцион белем бирү технологияләрен кулланып, 25-нче ноябрьдән 27-нче ноябрьгә кадәр читтән торып үткәрелә.

Икенче этап - йомгаклау этабы 2021 елның 2-нче мартыннан 5-нче мартына кадәр узачак.

Йомгаклау этабы Мәскәүдә көндезге форматта, Россиянең әйдәп баручы медицина югары уку йортының төп бинасында - Н.И.Пирогов исемендәге Россия милли тикшеренү медицина университетында яки дистанцион белем бирү технологияләрен кулланып, көндезге/читтән торып форматында узачак, дип хәбәр итә оештыручылар.

Сайтта олимпиада турындагы нигезләмә, уздыру регламенты белән танышырга, шулай ук катнашуга гариза бирергә мөмкин.

Шулай ук укыгыз

Барлык яңалыклар