Яңалыклар
01.02.2021, 17:25
Казан укучылары эшкәртүгә 225 меңнән артык пластик шешә һәм алюминий банка тапшырган
20 фандоматның нәтиҗәлелеге күрсәткече 6 тонна чиста калдык тәшкил иткән.
Фото: Денис Гордийко
(Казан шәһәре KZN.RU, 1-нче февраль). Казан укучылары фандоматлар аша 225 меңнән артык пластик шешә һәм алюминий банка тапшырган. 20 фандоматның нәтиҗәлелеге күрсәткече 6 тонна чиста калдык тәшкил иткән.
Тапшырылган икенчел чимал өстәмә сортларга бүлүне таләп итми һәм брикетлаштырылганнан соң шунда ук эшкәртүгә җибәрелә. Проектның инициаторлары билгеләп үткәнчә, пластикның җыелган күләме 120 урам эскәмиясе яки 15 мең футболка җитештерергә мөмкинлек бирәчәк, ә алюминийдан эчемлекләр өчен яңа банклар ясарга мөмкин.
Иң күп тара тапшырган 20 укучы кыйммәтле призларга ия булды, дип хәбәр итә ТР Экология һәм табигый байлыклар министрлыгы матбугат хезмәте.
Фандоматларның эш принцибы гади. Банка һәм шешәләр берәм-берәм махсус тәрәзәгә урнаштырыла. Электрон таблода кабул ителгән тараның күләме һәм авырлыгы күренә. Датчиклар штрих-код буенча урнаштырылган материалны билгели. Пластик һәм алюминий, махсус изгеч аша узып, төрле туплау савытларына эләгә. Мәктәпләрдәге барлык фандоматлар калдыклар туплау мониторингының шәһәр системасына тоташтырылган. Контейнерлар тулылангач, аппарат идарә үзәгенә сигнал җибәрә. Уртача алганда, һәр фандомат 2 көн эчендә тула, аларга хезмәт күрсәтү атнага биш көн башкарыла.
«РТ-Инвест» генераль директоры Андрей Шипелов билгеләп үткәнчә, Казанда «20-200-2000» фандоматлар урнаштыру программасы киләсе этапка күчә – челтәрне, урам модельләрен дә кертеп, 200 фандоматка кадәр киңәйтү. Проектның өченче этабында шәһәрнең бөтен территориясендә 2000 фандомат урнаштыру планлаштырыла.
Белгечләр бәяләвенчә, Казанда автоматлаштырылган аерым җыюны тулы масштабта кертү өчен 2,5-3 мең җайланма кирәк.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
