Казан укучылары Биләргә «Сәләт» яшьләр белем бирү форумына юнәлделәр

Биш көн дәвамында 7-10-нчы сыйныф укучылары мастер-классларда һәм тренингларда катнашачаклар.

(Казан шәһәре KZN.RU, 25-нче июль). Бүген Казаннан 194 укучы Биләргә «Сәләт» яшьләр белем бирү форумына юл тотты. Бу инде җәй дәвамында үткәрелә торган бишенче смена, ул Татарстан Республикасында Россия мәктәп укучылары хәрәкәте белән берлектә оештырылган.

Смена лидерлык сыйфатларын, проект һәм команда эше күнекмәләрен үстерүгә багышланган. Олимпиадаларда, конференцияләрдә һәм фестивальләрдә алдынгылардан булган 7-10 сыйныф укучылары биш көн дәвамында фән, сәнгать, бизнес һәм сәясәт өлкәләрендәге лидерларның мастер-классларына һәм тренингларына йөриячәкләр. Сменага бөтен республикадан 1200-дән артык бала киләчәк, дип хәбәр итә Казанның Мәгариф идарәсе.

Шулай ук укыгыз

Барлык яңалыклар