Казаннан алты яшьлек Мирсәид «Байконур» космодромында булачак

Малайның Яңа ел хыялын РФ Дәүләт Думасы депутаты Максим Топилин чынга ашыра, ул аңа сәфәргә сертификат тапшырды.

Фото: Максим Топилинның Telegram-каналы

(Казан шәһәре KZN.RU, 23 нче декабрь). Казаннан алты яшьлек Мирсәиднең «Байконур» космодромында булу хыялын РФ Дәүләт Думасы депутаты Максим Топилин тормышка ашырды. «Теләкләр чыршысы» хәйрия акциясе кысаларында яшь казанлы Яңа ел бүләге – сәяхәткә сертификат һәм космос турында китаплар алды.

«Мин космосны яратам, аның турында китаплар укыйм һәм интернетта видеолар карыйм. Кайчандыр ракета күрермен дип уйламаган да идем!» – дип шатлыгы белән уртаклашты малай.

Дәүләт Думасының Татарстаннан депутаты Максим Топилин үз чиратында балаларның мондый хыяллары аны сөендерүен билгеләп үтте. «Хәзер еш кына яшьләр һәм балалар башка дип әйтәләр. Бер яктан, алар, һичшиксез, бездән аерыла, икенче яктан – алар шул ук глобаль әйберләр турында хыялланган һәм могҗизага ышанган балалар», – дип белдерде ул. Депутат шулай ук Роскосмос җитәкчелегенә һәм дәүләт корпорациясе генераль директоры Юрий Борисовка рәхмәт белдерде: «Бергәләп без балаларның хыялларын тормышка ашыра алабыз».

Сәфәрдән соң депутат Мирсәид белән элемтәгә керергә вәгъдә бирде. «Бу дулкынландыргыч сәяхәт булыр дип ышанам», – дип язган Максим Топилин үзенең Telegram-каналында.

Шулай ук укыгыз

Барлык яңалыклар