Казаннан алтынчы сыйныф укучысы яшьләр проектлары өчен интернет-платформа булдырды

Таир Гатауллин шәһәребезнең Совет районындагы 187-нче номерлы күппрофильле лицеенда укый.

Фото: Т.Гатауллинның шәхси архивыннан

(Казан шәһәре KZN.RU, 9-нчы июнь, Алинә Бережная). Яшьләр проектларын тормышка ашыру өчен Казан укучысы – Казанның Совет районындагы 187-нче номерлы күппрофильле лицееның алтынчы сыйныф укучысы Таһир Гатауллин интернет-платформа эшләгән. Ул төзегән сайтта 8 яшьтән 16 яшькә кадәрге балалар һәм яшүсмерләр төрле юнәлешләрдә үз проектларын тәкъдим итә ала – эшмәкәрлек, программалаштыру, музыка, фото һәм видео, фән, әдәбият.

Үзенең 11 яшендә Таир Гатауллин заманча модалы уенчыклар турында хыялланмый. Аның планнарында – яшьтәшләрен өлкәннәрчә уйларга өйрәтү. «Мин кече яшьтән балалар үз алларына зур максатлар куя һәм аларга ирешә алуларын телим, тик шулай гына лаеклы буын үсеп чыгарга мөмкин - амбициоз, максатчан һәм үзләрен киләчәктә тәэмин итә белә торган», – дип саный укучы.

Яшүсмерне сайтны эшләүгә нәкъ менә шундый уйлар этәргән дә инде, аның ярдәмендә яшьтәшләре үз талантларын ача алыр иде. Укучылар проектларын гамәлгә ашыруда һәм алга җибәрүдә инвесторларны җәлеп итү планлаштырыла. Таир үзе эшкуарлык өлкәсендә үсәргә тели.

«Күп кенә балаларның сәләтләре һәм талантлары бар, тик алар үзләре турында ничек белдерергә белмиләр, шул ук вакытта алар интернетта күп вакыт үткәрәләр. Ә нигә бу ресурсны файда белән кулланмаска, дип уйладым, – дип аңлатты Таир Гатауллин.

Яшь уйлап табучы башлангычларында бөтен нәрсәдә ата-аналар ярдәм итә, нәкъ менә алар Таирның IT-технологияләргә кызыксынуын сизгән һәм өч ел элек аны программалаштыру мәктәбенә биргән, анда ул сайтлар эшләү буенча база белемнәрен алган. «Таир һәрвакыт уйланучан иде, өлкәннәр темасына фикер йөртергә ярата иде, – дип сөйләде укучының әнисе Румия Гатауллина. – Без аның компьютерларга тартылуын күреп алдык һәм аның сәләтен дөрес юнәлешкә җибәрергә булдык – программалаштыру мәктәбенә бирдек».

Хәзер сайт тест режимында эшли, Таир аның белән Россия дәрәҗәсендә кызыксынулары турында хыяллана. Шул ук вакытта мәктәп укучысының эшен аның мәктәбендә генә түгел, шәһәрнең мәгариф идарәсендә дә хуплаганнар.

Шулай ук укыгыз

Барлык яңалыклар