Кытай шеф-пешекчеләре Казандагы хезмәттәшләре белән профессиональ серләре белән уртаклашаклар

Ханчжоу рестораторлары ТР башкаласына тәҗрибә белән урткалашу өчен килергә планлаштыралар.

(Казан шәһәре KZN.RU, 21-нче сентябрь, Регина Нурулина). Кытайның Ханчжоу шәһәренең шеф-пешекчеләре һәм бер рестораторы октябрьдә Казанга килергә җыеналар. Алар татар милли ашлары белән танышырга һәм үзләренеңосталыкларын күрсәтергә планлаштыра. Сәфәр нечкәлекләре һәм туризм өлкәсендә алга таба хезмәттәшлек итү мөмкинлекләре хакында Ханчжоуның вице-мэры Чэнь Синьхуа белән очрашу барышында фикер алыштылар. Искәртергә кирәк, Туризм үсешенә булышлык итү комитеты рәисе җитәкчелегендә делегация Кытайда эшлекле сәфәрдә.

Бүгенге очрашуда шулай ук Ханчжоу Мэриясенең генераль секретаре урынбасары Ли Цианюй, шәһәрнең Тышкы канцеляриясе җитәкчесе Дун Зудэ, Туризм идарәсе җитәкчесе урынбасары Чжао Хончжон һ.б. катнашты.

Дарья Санникова Ханчжоуда җылы кабул итүләре өчен рәхмәтен һәм шәһәрнең матурлыгы һәм заманча технологияләре белән соклануын белдерде. Чэнь Синьхуа сөйләгәнчә, Ханчжоу туристлар арасында бик популяр, ел саен биредә 160 млн кеше була.

Чэнь Синьхуа үзенең Казанга килүе нечкәлекләрен сөйләде. Ул җирле кухняны тәкъдим итәргә планлаштыра. Шуның өчен делегация составына шеф-пешекчеләр һәм алдынгы ресторатор керәчәк. Дарья Санникова сүзләре буенча, Казан өчен Ханчжоу кухнясының Татарстан башкаласында үсеш алуы мөһим.

Кытай пешекчеләре белән очрашуга җирле пешекчеләр һәм рестораторларны әзерләячәкләр. Шулай итеп, тәҗрибә белән алмашу килеп чыгачак.

Моннан кала, Ханчжоу вице-мэры җирле туроператорлардан торган делегация туплау фикерен хуплады. Алар барысын да үз күзләре белән күреп, Туризм үсешенә булышлык итү комитеты ярдәмендә Ханчжоу һәм якын-тирә округларда яшәүчеләр өчен тур оештыра алачаклар. Тур ел дәвамында узачак.

Искәртергә кирәк, Казан делегациясе Кытайга Кытай халык республикасының Казандагы Генераль консуллыгы чакыруы белән килде. Сәфәр барышында Татарстан башкаласының туристик потенциалын презентацияләделәр. Моннан кала, Уи шәһәренең вице-мэры белән очрашу планлаштырылган.

Шулай ук укыгыз

Барлык яңалыклар