Казанда елга транспортында пассажирлар йөртү сезоны 16 ноябрьдә тәмамлана

Иң беренче Болгар рейсы ябылачак – тарихи җирлеккә бу елгы соңгы сәфәр 11 октябрьгә билгеләнгән

Татарстан башкаласында октябрь уртасыннан елга маршрутлары әкренләп ябыла башлый. Бу елда елга транспортында пассажирлар йөртүнең соңгы көне – 16 ноябрь, дип хәбәр итә Татарстан Республикасының Транспорт һәм юл хуҗалыгы министрлыгы.

12 октябрьдә беренчеләрдән булып Болгар рейсы (Казан-Болгар-Тәтеш) ябылачак. Шәһәр халкы елга сәяхәтләренә 15 октябрьгә кадәр чыга ала, Зөягә елга транспортында 19 октябрьгә кадәр барып булачак. Казан-Шеланга һәм Казан-Печище юнәлешләре буенча рейслар сезон тәмамланганчы дәвам итә.

Исегезгә төшерәбез, Татарстанда елга навигациясе 25 апрельдә старт алган иде. Пассажирларга елга транспортында ун социаль әһәмиятле юнәлеш буенча хезмәт күрсәтелгән.

Шулай ук укыгыз

Барлык яңалыклар