Сергей Кириенко Казанның «СОлНЦе» мәктәбе укучыларын «Нәрсә? Кайда? Кайчан?» уенында җиңүләре белән котлады

Ил чемпионаты финалы «Россия» күргәзмәсендә РФнең 41 төбәгеннән 75 команданы берләштерде

Фото: Анатолий Медведь/фотохост-агентство РИА Новости

Казанның «СОлНЦе» мәктәбе «Нәрсә? Кайда? Кайчан?» уены буенча ил чемпионатында җиңү яулады. Финал ярышлары бүген Мәскәүдә «Россия» халыкара күргәзмә-форумында узды. Анда илнең 41 төбәгеннән 75 команда катнашты.

Укучыларны җиңүләре белән РФ президенты администрациясе башлыгының беренче урынбасары Сергей Кириенко котлады. «Нәрсә? Кайда? Кайчан?» уены финалының ил президенты Владимир Путин йөкләмәсе буенча оештырылган «Россия» күргәзмәсендә узуы очраклы түгел. Монда илебез горурланырлык казанышлар тупланган. Һәм сез, 120 мең катнашучы арасында иң-иңнәре, шулай ук безнең горурлыгыбыз», – диде ул.

Сергей Кириенко командалар арасында көндәшлекнең югары булуын билгеләп үтте. Чемпионатта 14 мең уку йортыннан 120 меңнән артык вәкил катнашкан. Алар өчен бөтен ил буйлап 21 уен оештырылган. Финал нәтиҗәләре буенча икенче урында – Пермьның «Муравейник» үзәге, өченчедә – Курганның математикадан өстәмә белем бирү үзәге һәм Мәскәүнең «Югары икътисад мәктәбе» милли тикшеренү университеты лицее командалары.

Интеллектуаль турнир «Алдынгылар хәрәкәте» һәм Россиянең «Белем» җәмгыяте тарафыннан оештырылды.

Шулай ук укыгыз

Барлык яңалыклар