Казан гаиләсе «Эхо веков в истории семьи – Тарихта без эзлебез» шәҗәрә фестивале финалистларының өчлегенә керде

Казан гаиләсе «Эхо веков в истории семьи – Тарихта без эзлебез» шәҗәрә фестивале финалистларының өчлегенә керде

<p> </p> <div class="detail-picture"> <img src="https://kzn.ru/upload/iblock/30e/30e525f8e5b083cfbbf12d1f4d636120.jpg"> <p class="detail-picture__caption"> Фото: ТР Рәисе матбугат хезмәте </p> </div> <p> </p> <p> (Казан шәһәре KZN.RU, 17 нче май). Галиәсгар Камал исемендәге театрда «Эхо веков в истории семьи – Тарихта без эзлебез» республика шәҗәрә фестивале җиңүчеләрен бүләкләделәр. Финалчылар өчлегенә Казаннан Лозовой-Ярцевлар гаиләсе керде. Катнашучылар жюрины ризык рецептлары һәм гаилә архивларында сакланган реликвияләр, традицияләр һәм легендалар белән таныштырдылар. </p> <p> Җиңүчеләргә бүләкләрне Татарстан Республикасы Рәисе Рөстәм Миңнеханов тапшырды. </p> <p> Шәһәр Башкарма комитетының Мәгариф идарәсе матбугат хезмәте хәбәр иткәнчә, Лозовой-Ярцевлар гаиләсен Киров районының 81 нче мәктәбе директоры Антонина Ярцева тәкъдим иткән. Аларның гаиләсенең гомуми педагогик стажы 927 ел – бу балалар бакчалары тәрбиячеләре, өстәмә белем бирү педагоглары, укытучылар, көллият һәм югары уку йортлары укытучылары. </p> «Минем балачак хыялым бар иде – ата-бабаларымның тарихын өйрәнү. Һәм ул фестиваль ярдәмендә тормышка ашырыла.<br> Без бабаларыбызның Бөек Ватан сугышындагы батырлыкларын, ата-бабаларыбызның эштәге уңышларын һәм фәнни хезмәтләрен беләбез. Конкурс безнең гаилә генә түгел, ә команда булуыбызны күрсәтте. Гомуми эшкә көч һәм вакыт бирәбез. Бу җиңел түгел, ләкин кирәкле эш. Үз командам, гаиләм белән горурланам», – дип уртаклашты Антонина.

2023-05-17T16:44:25+0300