8 июнь көнне «Елмай» балалар паркында гаилә пикнигы оештырачаклар

Программада аниматорлар белән дөрес туклану турындагы уеннар, тәмле һәм файдалы ризыкларны белүгә викторина һәм башкалар

«Елмай» балалар паркында 8 июньдә гаилә пикнигы була. Яшь казанлылар өчен аниматорлар белән уеннар, викторина, рәсем буенча мастер-класслар һәм интерактив лекцияләр оештырыла. Бу хакта эшлекле дүшәмбедә Казанның азык-төлек һәм социаль туклану департаменты генераль директоры Рима Мөхәммәдшина хәбәр итте.

Аниматорлар уен үткәрәчәк, анда балалар ничек дөрес тукланырга икәнен беләчәк. Викторинада балалар тәмле һәм файдалы ризык турындагы белемнәрен тикшерә алачак. Алга таба «Сәламәт туклану модада!» темасына акварель буяулар белән рәсем ясау буенча мастер-класс планлаштырылган.

Балалар һәм аларның ата-аналары өчен «Ни өчен дөрес туклану мөһим?» дигән интерактив лекция йомгаклау вакыйгасы булачак. Спикер булып туклану буенча эксперт, «Әниләр темада» проекты катнашучысы Альбина Дәүләтбаева чыгыш ясаячак.

Катнашу өчен «Елмай» паркының Telegram каналында алдан теркәлү узарга кирәк. Чарага 6 яшьтән 12 яшькә кадәрге балалар кушыла ала. Башлану вакыты – 11:00 сәг.

Гаилә пикнигы Казанның азык-төлек һәм социаль туклану департаменты һәм «Игелекле бала» хәйрия фонды тарафыннан оештырылган.