Иртәгә Республика кан үзәгендә гаилә донор акциясе узачак

18 яшьтән өлкәнрәк, авырлыгы 55 килограммнан артык булган һәм донациягә каршы күрсәтмәләре булмаган теләк белдерүчеләр донор була ала

Иртәгә Республика кан үзәгендә Гаилә елына багышланган гаилә донор акциясе узачак.

Казанда яшәүче, 18 яшьтән өлкәнрәк, авырлыгы 55 килограммнан артык булган һәм донациягә каршы күрсәтмәләре булмаганнар донор була ала. Донациягә каршы күрсәтмәләр – йогышлы һәм паразитар авырулар, яман шешләр, үзәк нерв системасы бозылулар һ.б. Каршы күрсәтмәләрнең тулы исемлеге белән сылтама буенча танышырга мөмкин.

Бу көнне барлык донорларны бәйрәм атмосферасы һәм истәлекле бүләкләр көтәчәк. Ә балалар өчен матрешкалар ясау буенча мастер-класс үткәрәчәкләр. Акциядә катнашу өчен алдан теркәлү кирәк.

Мәйданчыкта теләүчеләр сөяк мие донорлары регистрына керә алачак, үз теләкләре турында регистратурада әйтергә кирәк булачак, дип хәбәр иттеләр ТР Сәламәтлек саклау министрлыгының Республика кан үзәгендә.

Акция Җиңү проспекты, 85 йорт адресы буенча «Игелекле Казан» АКБО белән берлектә, DonorSearch.org кан донорлары берләшмәсе, «Татнефть» хәйрия фонды һәм гражданлык җәмгыятен үстерүгә республика рәисе гранты ярдәме белән узачак.

Җәй көне Бөтендөнья донорлар көнендә казанлылар 80 литрдан артык кан тапшырган. Акциягә 180 нән артык кеше кушылды.

Шулай ук укыгыз

Барлык яңалыклар