Бүген Казанның Лядской бакчасында алтынчы «Китап-фест» узачак

Бүген Казанның Лядской бакчасында алтынчы «Китап-фест» узачак

<p> <img src="https://www.kzn.ru/upload/iblock/e4f/DSC_7592.jpg">(Казан шәһәре KZN.RU, 6-нчы июнь). Бүген, Александр Сергеевич Пушкинның туган көнендә, Казанның Лядской бакчасында алтынчы тапкыр «Китап-фест» китап фестивале узачак. Фестиваль программасында - күргәзмәләр, танылган язучыларның чыгышлары, «ирекле микрофон» янында авторлык текстларын уку, конкурслар, уеннар, спектакльләр һәм башкалар бар. Китап фестивале Аксенов скверында ачык һавада кино күрсәтү белән тәмамланачак. </p> <p> Фестиваль узган көнне Лядской бакчасының үзәк аллеясында Лев Толстой дәүләт музее фондыннан уникаль материалларга нигезләнгән «Сакалсыз Толстой» күргәзмәсе ачыла. Күргәзмә шәһәр халкын язучының башка - дөньяви ягы белән таныштырачак. Паркка килүчеләр Лев Николаевич тормышының Казан чоры һәм бу вакытка багышланган әсәрләре турында белә алачаклар. </p> <p> Фестивальнең төп вакыйгасы 11.00 сәгатьтә башлана – бу вакытта төп сәхнәдә быелгы «Китап-фест»ның танылган катнашучылары чыгыш ясаячак. Алар арасында, әйтик, халыкара прозаиклар конкурслары лауреаты Арина Обух һәм режиссер-сценарист, әдәби күзәтүче Роман Либеров та бар. </p> <p> Парктагы барлык фестиваль мәйданчыклары быел Театр елына багышлана. Шулай итеп, парк аллеяләрендә арт-объектлар, китап күргәзмәләре һәм театраль Казаннан инсталляцияләр тәкъдим ителәчәк. Ә Казан театрлары актерлары миниатюралар күрсәтәчәк. Фестиваль кунаклары «Казан китапчылары» шигъри дуэтының инсценировкаларын күрәчәкләр, шулай ук театр мастер-классларында катнаша алачак. </p> <p> Фестивальнең иң яшь катнашучылары өчен балалар китаплары мотивлары, курчак бармак театры, балалар пьесалары, интеллектуаль уеннар һәм башка күңел ачу чаралары буенча әдәби-театральләштерелгән постановка белән «Балалар театры» аллеясы әзерләнәчәк. </p> <p> Һәркем үзенең авторлык текстларын «Ирекле микрофон» мәйданчыгында укый алачак. Шулай ук теләге булганнар хокукый дәвамчанлык буенча белемнәрен тикшерәчәкләр һәм Александр Пушкин әсәрләре буенча әдәби диктант язачаклар. </p> <p> Сәнгать иҗаты аллеясында аппликацияләрнең төрле техникаларында мастер-класслар үткәреләчәк. Аларда һәркем китап, театраль битлек яки открытка ясый алачак. </p> <p> Моннан тыш, ТАССР оешуга 100 ел тулу алдыннан паркта Татарстан Республикасы барлыкка килү тарихына багышланган китап күргәзмәсе дә тәкъдим ителәчәк. </p> <p> 20.30 сәгатьтә фестиваль Аксенов бакчасында Осип Мандельштам истәлегенә багышланган Роман Либеровның «Сохрани мою речь навсегда» дигән фильмын күрсәтү белән дәвам итәчәк. </p> <p>   </p>

2019-06-06T08:36:46+0300