Бүген төнлә Казанда яшен һәм көчле җил булуы көтелә

<h1></h1> <div> </div> <img src="https://kzn.ru/upload/iblock/a2e/DEN_2457.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 1-нче сентябрь). Бүген төнлә Татарстан территориясендә, аерым алганда, Казанда һава торышының начарлануы көтелә. Синоптиклар мәгълүматларына караганда, инде 21:00 сәгатьтә республикада яшен һәм көчәйгәндә секундына 17-22 метрга кадәр көчле җил булачак, урыны белән боз явуы ихтимал. Мондый метеорологик күренешләр 2-нче сентябрь 18: 00 сәгатькә кадәр сакланачак. </p> <p> Иртәгә Казанда алмашынучан болытлы һава фаразлана. Җил көньяктан, көньяк-көнбатыштан уртача, урыны белән секундына 15-20метрга кадәр кыска вакытлы көчәю белән. Төнлә иң түбән һава температурасы +15...+17 градус булачак. Көндез иң югары температура +22...+24 градус. </p> <p> Татарстанның Гадәттән тыш хәлләр министрлыгы яшен һәм бик көчле җил вакытында бинадан чыгуны чикләргә, балаларны күзәтүсез калдырмаска кирәклеген <a href="http://16.mchs.gov.ru/deyatelnost/press-centr/operativnaya-informaciya/4551139" target="_blank">искә төшерә.</a> Бик көчле җил булганда урамда җир асты кичүләрендә яки биналарның подъездларында яшеренергә кирәк. Көчле җилдән йортларның стеналары, тукталышлар һәм төзелеп бетмәгән биналар янында яшеренергә ярамый, чөнки түбәләрдән шифер һәм башка түбә ябу материаллары төшүе ихтимал. </p> <p> Урамда реклама щитларыннан, элмә такталардан, юл билгеләреннән, электр тапшыру линияләреннән ераграк торырга кирәк. Зур агачлар янында булырга, шулай ук алар янында автотранспорт куярга ярамый – җил өзгән ботаклар зур куркыныч тудыра ала. Көчле җил вакытында электр тапшыру линиясе астында басып, өзелгән электр үткәргечләренә якын килү куркыныч. </p> <p> Яшен вакытында җәяүлеләргә, автотрассаларны аркылы үткәндә, һәм алар янында булганда, аеруча сак булырга кирәк. Машина йөртүчеләргә йөрүләрдән баш тартырга киңәш итәләр, чөнки электроника эшендә өзеклекләр булырга мөмкин. Велосипедчыларга шулай ук яшен узганын велосипедтан 30 м ераклыкта көтәргә кирәк. </p> <p> Якындагы тәүлектә шәһәр халкын ерак араларга сәфәрләрдән баш тартырга чакыралар. Һәлакәт булган очракта 101, 112 номерлары буенча мөрәҗәгать итәргә, шулай ук Россия Гадәттән тыш хәлләр министрлыгының ТР буенча Баш идарәсенең ышаныч телефонына шалтыратырга була: +7(843)288-46-96. </p> <p>   </p>

2021-09-01T13:28:38+0300