Бүген Казан урамнарын җыештырырга 405 берәмлек техника һәм 551 юл эшчесе чыкты

Узган тәүлек эчендә 17,8 мең тоннадан артык кар чыгарылган.

Фото: Марат Мугинов

(Казан шәһәре KZN.RU, 19-нчы гыйнвар). Бүген көндез Казан урамнарын кардан чистартырга 551 юл эшчесе һәм 405 берәмлек махсус техника, шул исәптән 58 катнаш юл машинасы, 89 трактор щеткасы, 115 үзбушаткыч, 72 фронталь төягеч, 41 «Барсик» минитөягече һәм башка техника чыкты.

Кар чыгару эшләре Адоратский, Айтматов, Әмирхан, Батурин, Бауман, Беломорск, Болотников, Большая Красная, Васильченко, Вербная, Вишневский, Гвардия, Губкин, Даурия, Девятаев, Ершов, Зорге, Ипподром, Фатыйх Кәрим, Комаров, Кремль, Лесгафт, Маркс, Мехчылар, Миславский, Назарбаев, Новосельская, Павлюхин, Петербург, Пушкин, Сәетгалиев, Театр, Тинчурин, Тихомирнов, Усманов, Фукс, Халев, Халезов, Цеткин, Чапаев, Челюскин, Чехов, Чистай, Чуйков, Яруллин, Киров дамбасы, Горький Шоссесы, Җиңү һәм Универсиада проспектлары, Солтангалиев, Ирек һәм Вокзал яны мәйданнары, Мамадыш һәм Себер трактларыннан башкарылачак.

Узган тәүлек эчендә урамнардан – 17 мең 815 тонна кар, ә кышкы сезон башыннан 426 мең 229 тонна кар чыгарылган, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлек эчендә 297 тонна реагент һәм 736 тонна ком-тоз катнашмасы, ә сезон башыннан 45,5 мең тоннадан артык бозлавыкка каршы материал кулланылган.

Шулай ук укыгыз

Барлык яңалыклар