Бүген Казан урамнарын җыештырырга 329 берәмлек техника һәм 493 юл эшчесе чыкты

Узган тәүлек эчендә 17 мең тоннадан артык кар чыгарылган.

Фото: Денис Гордийко

(Казан шәһәре KZN.RU, 16-нчы гыйнвар). Бүген көндез Казан урамнарын кардан чистартырга 493 юл эшчесе һәм 329 берәмлек махсус техника, шул исәптән 53 катнаш юл машинасы, 67 трактор щеткасы, 98 үзбушаткыч, 56 фронталь төягеч, 31 «Барсик» минитөягече һәм башка техника чыкты.

Кар чыгару 8 Март, Әбҗәлилов, Аграр, Әмирхан, Бауман, Богатырев, Воровский, Гаврилов, Гафури, Гвардия, Давыдов, Девятаев, Дружба, Ершов, Журналистлар, Зайцев, Искра, Кирпичников, Лена, Литвинов, Ломжа, Петербург, Сәетгалиев, Сеченов, Совет, Татарстан, Тинчурин, Центральная, Чистай, Шмидт урамнары участокларыннан, шулай ук Ибраһимов, Ямашев урамнарыннан, Мамадыш һәм Оренбург трактлары проспектларыннан, Нокса авышлыгыннан һәм башка участоклардан башкарылачак.

Узган тәүлек эчендә урамнардан 17 мең тоннадан артык кар, ә кышкы сезон башыннан – 379,2 мең тоннадан артык кар чыгарылган, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлеккә 334 тонна реагент һәм 497 тонна ком-тоз катнашмасы, ә сезон башыннан – 43,2 мең тоннадан артык бозлавыкка каршы материал кулланылган.

Исегезгә төшерәбез, шәһәрдә кар чистарту буенча кайнар линияләр эшли. Район администрацияләренә дә, «Ачык Казан» сервисы аша да мөрәҗәгать итәргә мөмкин.

Шулай ук укыгыз

Барлык яңалыклар