Бүген көндез Казан юлларын җыештыруда 402 берәмлек махсус техника эшли

Төнлә шәһәр урамнарыннан 8,9 мең тонна кар чыгарганнар

Синоптиклар фаразлавынча, бүген Казанда 3 мм га кадәр явым-төшем булачак. Көндез юлларны кардан чистартуга 402 берәмлек махсус техника һәм 616 эшче чыгачак. Кар ява башлаганчы алар юлларны һәм тротуарларны бозлавыкка каршы материаллар белән эшкәртәчәкләр, дип хәбәр иттеләр Тышкы төзекләндерү комитетында.

19 декабрь көнне көндез шәһәр юлларында 545 эшче һәм 331 берәмлек махсус техника эшләде. 3,3 мең тонна кар чыгарылган, 14 тонна реагент һәм 10 тонна ком-тоз катнашмасы кулланылган. Төнге сәгатьләрдә шәһәрне 355 берәмлек махсус техника һәм 103 эшче чистартты. 8,9 мең тонна кар чыгарылган. Бозлавыкка каршы эшкәртү өчен 160 тонна материал тотылган.

Кышкы сезон башыннан Казан урамнарыннан кар эретү пунктларына һәм вакытлыча кар өю урыннарына барлыгы 71,4 мең тонна кар чыгарылган. 12 мең тонна бозлавыкка каршы материал тотылган.

Казанлыларны кар яуган вакытта җаваплы парковкаларга чакыралар — юл буенда калдырылган машиналар төнлә техниканың сыйфатлы эшләвенә комачаулый.

Ишегалларын җыештыруга кагылышлы кисәтүләрне ТР башкаласында яшәүчеләр «Открытая Казань» («Ачык Казан») системасына яисә +7(843)236-41-23 телефоны буенча җибәрергә мөмкин. Проблемалы участоклар турында шулай ук чат-ботта яки кайнар линия номерлары буенча хәбәр итәргә була.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар