Казанлылар Яңа елга аеруча тәм-томнар һәм акча бүләк итүләрен телиләр

Носки һәм банкалы тозлаган әйберләр бәйрәмгә бирелгән иң начар күчтәнәчләр рейтингына керделәр

Фото: Денис Гордийко

(Казан шәһәре KZN.RU, 20 нче декабрь). Сораштыруда катнашкан казанлыларның 20% ы Яңа елга иң кирәкле бүләк дип тәм-томнарны атады. Тагын 15% ы акча алырга тели. Аларның фикеренчә, носки бәйрәмгә иң начар бүләк булып тора, респондентларның 11% ы шул ук исемлеккә банкалы тозлаган кыяр һәм башка тозлы ризыкларны керткән. Тагын 10% ы бүләк итеп душ өчен юыну чараларын кирәксез дип атаган, ә 8% ы мунча кирәк-яракларын уңышсыз сувенир дип санаган. Сораштыру декабрьдә Россиянең 18 яшьтән өлкәнрәк 4200 гражданы арасында үткәрелгән.

Казанлыларның яртысыннан артыгы (респондентларның 68% ы) туганнарына Яңа ел бүләкләре бирергә ниятли. Алар арасында өстәлгә куяр өчен сыйлар (35%), косметика һәм парфюмерия (34%), уенчыклар, пазллар һәм өстәл уеннары (30%), тәм-томнар (29%), театрга яки концертка билетлар (23%), яңа ел сувенирлары һәм киләсе ел символикасы (10%) популяр булып чыккан.

Сораштыруда катнашучыларның яртысы, бүләкләрне сайлаганда ялгышмас өчен, якыннары өстенлек биргән әйберләр белән алдан кызыксына. Респондентларның чиреге үз туганнарын бик яхшы белә дип ышана. Казанлыларның тагын 22% ы үз зәвыгына карап бүләкләр сайлый.

Еш кына бүләккә респондентлар ел символикасын (26%), конфетлар һәм акчалар (17%) ала.

«Яндекс путешествия» сервисы хәбәр иткәнчә, казанлыларның 40% ы диярлек якыннарына бүләк тапшыру өчен башка шәһәргә яки илгә китәчәк. ТР башкаласыннан аларның 30% ы поезд белән барачак, 25% ы автобусны өстен күрә, 19% ы электричкада, тагын 13% ы самолетта, ә һәр унынчысы автомобиль сайлый.

Шулай ук укыгыз

Барлык яңалыклар