Узган атнада Казан балаларына кушылган иң сирәк исемнәр Янина, Каюм, Маруся һәм Евсей булды

Атна дәвамында Казан гражданлык хәле актларын теркәү бүлекләрендә 401 бала тууы теркәлгән.

(Казан шәһәре KZN.RU, 12-нче апрель). Узган атнада, 1-нче апрельдән 7-нче апрельгә кадәр, Казан гражданлык хәле актларын теркәү бүлекләрендә 401 бала тууы теркәлгән: 196 малай һәм 205 кыз.

Иң яшь әнигә -17, иң яшь әтигә -21 яшь. Иң өлкән әнигә – 46, иң өлкән әтигә - 57 яшь. Туганда баланың минималь авырлыгы – 990 грамм, ә максималь авырлыгы - 4656 грамм.

Бу атнада балалар исемнәре арасында иң популярлары: Мәликә, Ева, Матвей, Артем, Амелия, Әмир, Артур, Азалия, Ясминә. Ата-аналар үз сабыйларын иң сирәк атаган исемнәр: Янина, Каюм, Маруся, Ирада, Евсей, Далия, Каролина, Алим, Тереза, Леона, Фидель.

Шул ук вакыт эчендә шәһәрнең гражданлык хәле актларын теркәү бүлекләрендә 112 пар үзләренең никахларын теркәделәр, дип хәбәр итә Казанның Гражданлык хәле актларын теркәү идарәсе.

Шулай ук укыгыз

Барлык яңалыклар