Узган тәүлектә Казан урамнарыннан 4820 тонна кар чыгарылган

Узган тәүлектә Казан урамнарыннан 4820 тонна кар чыгарылган

<p> (Казан шәһәре KZN.RU, 13-нче март). Узган тәүлек эчендә юл хуҗалыгы хезмәтләре Казан урамнарыннан 4820 тонна кар чыгарган. Казан урамнарын җыештыруга 555 юл эшчесе һәм 522 махсус техника берәмлеге, шул исәптән 158 катнаш юл машинасы, 11 кар төягеч, 112 трактор щеткасы, 19 грейдер, 64 фронталь төягеч, 47 «Барсик» мини-төягече, 102 үзбушаткыч һәм башка төр техника җәлеп ителгән. </p> <p> Узган тәүлек эчендә юлларны эшкәртү өчен 572 тонна бозлавыкка каршы матдә, шул исәптән 97 тонна реагент һәм 475 тонна ком-тоз катнашмасы кулланылган. </p> <p> Бүген көндез урамнарны кардан чистартуга 485 юл эшчесе һәм 275 махсус техника чыгачак, дип хәбәр итә Тышкы төзекләндерү комитеты. </p> <p> Кар түбәндәге юллардан чыгарылачак: Адоратский, Батурин, Бауман, Вахитов, Гагарин, Годовиков, Декабристлар, Краснококшайск, Кремль, Гадел Кутуй, Мәүләтов, Малая Заречная, Мусин, Нариманов, Павлов, Париж Коммунасы, Песочная, Петербург, Серов, ТЭЦ, Ударная, Клара Цеткин, Челюскин урамнарыннан, Әмирхан, Камалиев һәм Ямашев проспектларыннан, Горький шоссесыннан, Восточный һәм Мирный поселокларыннан, шулай ук Авиатөзелеш районы, Юдино микрорайоны тукталышларыннан, Девятаев, Парин һәм Татарстан урамнары тукталышларыннан, Ирек мәйданыннан һәм башка урам участокларыннан. </p> <p>   </p>

2019-03-13T09:30:56+0300