Казан урамнарыннан узган тәүлектә 5 мең тонна кар чыгарылган

Юлларны чистартуга 587 эшче һәм 329 махсус техника җәлеп ителгән.

Фото: Денис Гордийко

(Казан шәһәре KZN.RU, 12 нче гыйнвар). Узган тәүлектә Казан урамнарыннан 5 мең тонна кар чыгарылган. Шулардан 3800 ен кар эретү пунктларына, тагын 1200 тоннасын коры чүплеккә озатканнар.

Юлларны чистартуда 587 эшче һәм 329 берәмлек техника, шул исәптән 125 төягеч, 101 үзбушаткыч, 63 катнаш юл машинасы, 55 трактор щеткасы һәм 11 грейдер җәлеп ителгән, дип хәбәр иттеләр Казан Башкарма комитетының Тышкы төзекләндерү комитетында.

Сезон башыннан Казан юлларыннан барлыгы 486 мең тонна кар чыгарылган. Шуларның 323 мең тоннасын – кар эретү пунктларына, ә коры чүплекләргә 163 мең тоннасын җибәргәннәр.

Исегезгә төшерәбез, шәһәр халкы юлларны чистарту буенча мөрәҗәгатьләрне «Ачык Казан» системасы аша, 063 телефоны буенча, Башкарма комитетның Telegramдагы «Минем Казаным» чат-боты ярдәмендә калдыра ала.

Ишегалларында кар чистарту өчен идарәче компанияләр һәм торак милекчеләре ширкәтләре җаваплы. Йорт яны территориясен җыештыру сыйфаты гамәлдәге нормативларга туры килмәсә яки ниндидер сәбәпләр аркасында торак милекчеләрен канәгатьләндермәсә, алар идарәче оешмага мөрәҗәгать итә, «Ачык Казан»да гариза калдыра яки Дәүләт торак инспекциясенә шикаять бирә ала.

Шулай ук укыгыз

Барлык яңалыклар