Кышкы сезон башыннан Казан урамнарыннан 170 мең тоннадан артык кар чыгарылган

Бүген көндез шәһәр урамнарын җыештырырга 323 юл эшчесе һәм 247 берәмлек махсус техника чыгачак.

Фото: Денис Гордийко

(Казан шәһәре KZN.RU, 10-нчы гыйнвар). Бүген көндез Казанда урамнарны кардан чистартырга 323 юл эшчесе һәм 247 берәмлек махсус техника, шул исәптән 68 катнаш юл машинасы, 64 трактор щеткасы, 46 үзбушаткыч, 36 фронталь төягеч, 23 «Барсик» минитөягече һәм башка техника чыгачак.

Карны Аграр, Батурин, Бондаренко, Васильченко, Ватутин, Восстание, Гарифьянов, Гвардия, Дружба, Әмирхан Еники, Николай Ершов, Журналистлар, Заря, Касаткин, Кремль, Меридиан, Новаторлар, Парин, Родина, Сәетгалиев, Солдат, Сыртланова, Сибгат Хәким урамнары участокларыннан, шулай ук Әмирхан проспекты, Әмәт магистрале, Мамадыш һәм Оренбург трактлары, Ирек мәйданы һәм башка участоклардан чыгарачаклар.

Узган тәүлектә шәһәр урамнарыннан 7600 тонна кар чыгарылган, шәһәрне җыештыруда 499 махсус техника һәм 282 юл эшчесе җәлеп ителгән, дип хәбәр иттеләр тышкы төзекләндерү комитетында. Кышкы сезон башыннан Казан урамнарыннан 170 мең тоннадан артык кар чыгарылган.

Шәһәр юлларында соңгы тәүлек эчендә 1153 тонна бозлавыкка каршы материал кулланылган. Сезон башыннан юл хезмәтләре 26,6 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар