Кышкы сезон башыннан Казан урамнарыннан 924,5 мең тоннадан артык кар чыгарылган

Бүген көндез шәһәрне җыештыруда 338 юл эшчесе һәм 259 берәмлек махсус техника җәлеп ителәчәк.

Фото: Денис Гордийко

(Казан шәһәре KZN.RU, 22-нче март). Бүген көндез Казанда урамнарны кардан чистартуга 338 юл эшчесе һәм 259 берәмлек махсус техника чыгачак, шул исәптән 57 катнаш юл машинасы, 55 трактор щеткасы, 61 үзбушаткыч, 43 фронталь төягеч, 27 «Барсик» минитөягече һәм башка техника.

Кар чыгару 25 нче Октябрь, Әмирхан, Бауман, Воровский, Гоголь, Груздев, Давыдов, Декабристлар, Тимерьюлчылар, Завойский, Зинин, Зорге, Ильич, Короленко, Красная Позиция, Кремль, Лаврентьев, Патрис Лумумба, Маяковский, Назарбаев, Начальная, Петербург, Порт, Правда, Родина, Тинчурин, Сибгат Хәким, Халтурин, Чапаев, Чуйков, Мамадыш һәм Оренбург трактлары, Җиңү проспекты, Ферма шоссесы һәм башка урам участокларыннан башкарылачак.

Узган тәүлектә шәһәр урамнарыннан 3,1 мең тоннадан артык кар чыгарылган, шәһәрне җыештыруда 419 махсус техника һәм 263 юл эшчесе катнашкан, дип хәбәр иттеләр Казан Башкарма комитетының тышкы төзекләндерү комитетында. Кышкы сезон башыннан шәһәр урамнарыннан 924,5 мең тоннадан артык кар чыгарылган.

Юлларда тәүлеккә 26 тонна бозлавыкка каршы материаллар кулланылган, сезон башыннан – 78,3 мең тоннадан артык.

Шулай ук укыгыз

Барлык яңалыклар