Сезон башыннан Казанның трамвай юлларында 1,7 мең агач шпал алмаштырылган

Эшләр тәүлек буе дәвам итә

Көзге сезон башыннан «Метроэлектротранс» МУП хезмәткәрләре Казанның трамвай юлларында 1,7 мең агач шпал алмаштырган. Аларның 87 терәге соңгы ике атнада салынган, дип хәбәр итә предприятиенең матбугат хезмәте.

Моннан тыш, соңгы ике атна эчендә белгечләр 77 м рельс япмасын яңартканнар, рельслар арасында 38 тоташу урыны эретеп ябыштырганнар һәм тагын 46сын җыйганнар. Хезмәткәрләр шулай ук 161 м трамвай юлын күтәрделәр, 58 электр тоташтыру җайланмасы эретеп ябыштырдылар һәм тәгәрмәч юлы киңлеген көйләү өчен 38 юл тартмасы куйдылар.

Температура компенсаторларына сезонлы хезмәт күрсәтү дә башланды. Бүгенгә бер пар махсус җайланма алыштырылган һәм 34е тикшерелгән.

Пассажирларның уңайлы һәм имин хәрәкәт итүен тәэмин итү өчен юлларны ремонтлау һәм карап тоту эшләре «Метроэлектротранс» МУП юл хуҗалыгы хезмәте хезмәткәрләре тарафыннан тәүлек буе башкарыла.

Исегезгә төшерәбез, предприятие 132 км озынлыктагы трамвай юлларына хезмәт күрсәтә, шуларның 70е бик тузган. Җир өсте электр транспортының юлларын, ярдәмче станцияләрне һәм кабель хуҗалыгын яңартуга 6 млрд сумга якын акча таләп ителә.

Элегрәк хәбәр ителгәнчә, узган ике атна эчендә Казан метрополитенында 9,5 км тоннель юганнар.

Шулай ук укыгыз

Барлык яңалыклар