Ел башыннан Татарстан башкаласында җәяүлеләр катнашында 334 юл-транспорт һәлакәте теркәлгән

Ел башыннан Татарстан башкаласында җәяүлеләр катнашында 334 юл-транспорт һәлакәте теркәлгән

<p> Татарстан башкаласында ел башыннан җәяүлеләр катнашында 334 юл-транспорт һәлакәте теркәлгән. Мондый инцидентлар санын киметү өчен шәһәрдә 4 ноябрьгә кадәр «Җәяүле» оператив профилактика чарасы уздырыла. </p> <p> Дәүләт автоинспекциясе хезмәткәрләре җәяүлеләргә хәрәкәттә өстенлек бирми торган машина йөртүчеләр белән эшли. Профилактик чараларны юлны тиешле булмаган урыннарда яки светофорның тыю сигналына чыгучы шәһәрлеләр белән дә үткәрәләр. </p> <p> Казан Дәүләт автоинспекциясе бүлеге машина юлына җәяүлеләр кичүе аша һәм светофорның рөхсәт сигналына чыгарга кирәклеген искәртә. Киемдә, бигрәк тә тәүлекнең караңгы вакытында хәрәкәт иткәндә, яктылыкны кире кайтара торган элементлар булырга тиеш. </p> <p> Юл йөрү кагыйдәләрен бозган өчен җәяүлеләргә кисәтү яки 500 сум күләмендә штраф, машина йөртүчеләргә кисәтү яки 1500-2500 сум күләмендә штраф каралган. </p>

2024-10-31T10:54:02+0300