Ел башыннан Казанда балигъ булмаганнар катнашында 74 юл-транспорт һәлакәте теркәлгән

Ел башыннан Казанда балигъ булмаганнар катнашында 74 юл-транспорт һәлакәте теркәлгән

<p> Быелның җиде аенда Казанда 77 балигъ булмаган бала төрле авырлыктагы җәрәхәтләр алган 74 юл-транспорт һәлакәте теркәлгән. 9 сентябрьгә кадәр шәһәрдә «Игътибар – балалар!» дигән профилактик чара узачак. </p> <p> Юл хәрәкәте кагыйдәләрен бозуны профилактикалау һәм яктылык кайтаргыч элементларны популярлаштыру буенча чаралар комплексы планлаштырылган. Балаларның юлларда үз-үзләрен куркынычсыз тоту мәсьәләләре буенча ЮХИДИ хезмәткәрләре катнашында тематик акцияләр, ата-аналар җыелышлары узачак. </p> <p> Моннан тыш, балаларда юлларда тәртип саклау күнекмәләрен ныгыту буенча сәламәтләндерү лагерьларында конкурслар, викториналар һәм башка чаралар үткәреләчәк. </p> <p> Шулай ук 21 августта Татарстан Республикасы башкаласында балаларны йөртү белән бәйле юл йөрү кагыйдәләрен бозуны булдырмау буенча «Бала – төп пассажир!» дигән профилактик чара узачак. </p> <p> «Бүгенге көндә балалар тотып тора торган җайланмалар балалар травматизмын һәм юл-транспорт һәлакәтләре нәтиҗәсендә үлем очракларын булдырмый калуның иң нәтиҗәле чарасы булып тора. Дөрес урнаштырганда һәм кулланганда җайланма юл-транспорт һәлакәте очрагында нәниләрдә 70%ка һәм якынча 54-80%ка кече яшьтәге балаларда (бер елдан дүрт елга кадәр) үлем куркынычы киметә», – дип искәртте Россия Эчке эшләр министрлыгының Казан буенча ЮХИДИ идарәсенең пропаганда бүлеге башлыгы полиция майоры Алия Вәлиева. </p> <p> </p> <p> Элегрәк билгеле булганча, гыйнвардан июльгә кадәр питбайкларда алты юл-транспорт һәлакәте <a target="_blank" href="https://kzn.ru/meriya/press-tsentr/novosti/chislo-dtp-v-kazani-snizilos-za-sem-mesyatsev-2024-goda-na-13/">булган</a>, нәтиҗәдә бер кеше һәлак булган. Өч инцидентта транспорт белән балигъ булмаганнар идарә иткән. Бер бала электросамокат катнашында юл-транспорт һәлакәте нәтиҗәсендә үлгән. </p> <br> <p> </p>

2024-08-21T13:36:00+0300