6 майдан башлап Казанда 28-нче һәм 43-нче номерлы автобуслар хәрәкәте схемасы үзгәрәчәк

6 майдан башлап Казанда 28-нче һәм 43-нче номерлы автобуслар хәрәкәте схемасы үзгәрәчәк

<p> (Казан шәһәре KZN.RU, 29-нчы апрель). 6-нчы майдан башлап Казанда 28-нче һәм 43-нче номерлы автобус маршрутлары хәрәкәте схемалары вакытлыча үзгәрә. Бу – Гагарин урамы буенча урта басымлы магистраль газүткәргечтә авария эшләре үткәрелүгә бәйле. </p> <p> Шулай итеп, 6-нчы майдан эшләр тәмамланганчы «М.Горький исемендәге ял һәм мәдәният паркы - Короленко урамы» маршруты буенча йөри торган 28-нче номерлы автобус бер юнәлештә Декабристлар урамы – Восстание урамы – Короленко урамы схемасы буенча хәрәкәт итәчәк, алга таба – маршрут буенча. </p> <p> «Химия урамы – Техника урамы» маршруты буенча йөри торган 43-нче номерлы автобус бер юнәлештә түбәндәге схема буенча хәрәкәт итәчәк: Декабристлар урамы – Восстание урамы – Чуйков урамы, кире юнәлештә – Чуйков урамы – Восстание урамы – Декабристлар урамы, алга таба – маршрут буенча, дип хәбәр итә Транспорт комитеты. </p>

2019-04-29T10:50:00+0300