4 февральдән Зөягә кадәр баручы автобус җәдвәле үзгәрде

Җәдвәл шәһәр яны поездлары җәдвәле белән килештерелгән.

(Казан шәһәре KZN.RU, 4-нче февраль). 4-нче февральдән Зөягә кадәр баручы автобус җәдвәле үзгәрде.

6301-нче номерлы Казан-Свияжск юнәлешендәге шәһәр яны поезды кертелү сәбәпле, «Зөя тимер юл станциясе – Зөя утрау-шәһәрчеге» маршруты буенча өстәмә автобус рейсы билгеләнде. Станциядән автобус 8.50 сәгатьтә кузгалачак, утрауга 9.10 сәгатьтә киләчәк.

Шулай ук кире юнәлештә дә өстәмә рейс билгеләнә. Утраудан 9.20 сәгатьтә кузгалып китә, станциягә 9.40 сәгатьтә килә.

Пассажирларга уңайлы булсын өчен калган рейсларның җәдвәленә дә төзәтмәләр кертелгән. Шулай итеп, 4-нче февральдән Зөя станциясеннән утрауга кадәр 8.50, 12.05, 14.05, 15.40, 16.40 сәгатьләрдә автобус җибәреләчәк. Кире юнәлештә - 9.20, 13.30, 15.10, 16.10, 17.10 сәгатьләрдә.

Исегезгә төшерәбез, Зөя утрау-шәһәрчегенә кадәр мультимодаль туристик маршрут (электричка + автобус) 2019 елның 1-нче августында эшли башлады. Бу вакыт эчендә 7 меңгә якын пассажирга хезмәт күрсәтелгән. Автобус көн саен йөри. Җәдвәл шәһәр яны поездлары җәдвәле белән килештерелгән. Пассажирларның шәһәр яны тимер юл кассаларында бердәм билет алу мөмкинлеге бар. Автобуста йөрүдән тыш, ул Зөянең 6 музеена бару хокукы бирә, дип хәбәр итә «Содружество» шәһәр яны пассажир компаниясе матбугат хезмәте.

Шулай ук укыгыз

Барлык яңалыклар