31 декабрьдән 2 гыйнварга кадәр йорт яны территорияләреннән чүп чыгару көчәйтелгән режимда оештырылачак

31 декабрьдән 2 гыйнварга кадәр йорт яны территорияләреннән чүп чыгару көчәйтелгән режимда оештырылачак

<p> <img width="870" src="https://www.kzn.ru/upload/iblock/787/DEN_6524.jpg" height="652"><br> </p> <p> (Казан шәһәре KZN.RU, 30-нчы декабрь, Ксения Швецова). Казанда Яңа ел каникуллары чорында барлык коммуналь хезмәтләр һәм ресурслар белән тәэмин итә торган компанияләрнең эше көчәйтелгән режимда оештырылачак. Йорт яны территорияләреннән чүп-чар көн саен чыгарылачак һәм ишегаллары кардан чистартылачак, ә идарәче компанияләр тәүлек буе кизү торучы персонал эшен тәэмин итәчәк. Коммуналь хезмәтләрнең эше турында бүген эшлекле дүшәмбе вакытында Башкарма комитет җитәкчесе урынбасары Искәндәр Гыйниятуллин хәбәр итте. </p> <p> Яңа ел көннәрендә ресурслар белән тәэмин итә торган оешмаларда 250-дән артык кеше һәм 100 берәмлек махсус техника һәм автотранспорт составындагы 54 бригада кизү торачак. Гадәти көннәр белән чагыштырганда кизү бригадаларның саны ике тапкырга артты, дип билгеләп үтте И.Гыйниятуллин. </p> <p> Барлык котельныйлар һәм җылылык электр үзәге, һава шартларын исәпкә алып, расланган температура графиклары буенча эшләячәк, ә челтәрләрне ремонтлау белән бәйле планлы өзүләр Яңа ел каникуллары вакытында каралмаган. </p> <p> «Идарәче оешмалар авария бригадаларының максималь санын тәэмин итәргә һәм тәүлек буе кизү торган персоналның эшен оештырырга тиеш, – диде Башкарма комитет җитәкчесе урынбасары. - Дежур хезмәтләрнең телефоннары идарәче оешмалар сайтларында һәм күпфатирлы йортларның мәгълүмати стендларында күрсәтелгән». </p> <p> Шулай ук идарәче оешмалар йорт яны территорияләрен оператив рәвештә җыештыру һәм кыек түбәләрне чистарту өчен җаваплы. «Йорт яны территориясе кар явып киткәннән соң 6 сәгать эчендә <a href="https://www.kzn.ru/meriya/administratsii-rayonov/vakhitovskiy-i-privolzhskiy/novosti/i-metshin-voprosy-uborki-ot-snega-dvorovoy-territorii-nuzhno-reshat-v-dialoge-s-naseleniem/" target="_blank">чистартылырга тиеш</a>, - дип искәртте спикер. - Кыек түбәләрдә кар катламы калынлыгының 30 сантиметрдан артык булуы рөхсәт ителми». </p> <p> Яңа ел каникуллары вакытында чүп-чарны көн саен, ә 31-нче декабрьдән 2-нче гыйнварга кадәр көчәйтелгән режимда чыгарачаклар. Идарәче оешмаларга контейнерларга һәм бункер мәйданчыкларына керү юлларын тәэмин итү йөкләнде. </p> <p> Яңа ел бәйрәмнәрендә төп бурыч - торак коммуналь хуҗалык тармагының өзлексез эшен һәм коммуналь хезмәтләрнең сыйфатлы күрсәтелүен тәэмин итү, дип билгеләп үтте И.Гыйниятуллин. Казан Башкарма комитетында җитәкче составның кизү торулары оештырылды, тәүлек буе эшли торган диспетчерлык элемтәсе җайга салынды. «Ачык Казан» сервисы, район администрацияләре һәм Торак коммуналь хуҗалык комитеты номерлары белән мәгълүмат Торак коммуналь хуҗалык комитеты <a href="https://www.kzn.ru/meriya/ispolnitelnyy-komitet/komitet-zhilishchno-kommunalnogo-khozyaystva/telefony-dezhurnykh-sluzhb-v-period-novogodnikh-kanikul/" target="_blank">сайтында</a> урын алды. </p> <p> «Коммуналь инфраструктура объектларында торак фондта терроризмга каршы чараларга аерым игътибар бирдек, – дип сөйләде спикер. - Шәһәрдә күпфатирлы йортларның подвал һәм чорма бүлмәләрен тикшерү үткәрелде. Моннан тыш, оешмаларда өстәмә инструктажлар үткәрелде һәм режим объектларын саклау көчәйтелде». </p> <p> «Администрация башлыкларыннан, Торак коммуналь хуҗалык комитетыннан һәм ресурслар белән тәэмин итә торган предприятиеләр җитәкчеләреннән авария бригадаларының, кизү торучыларның, диспетчерларның эш графигын игътибар белән тикшерүләрен сорыйм, – дип йөкләде Башкарма комитет җитәкчесе Денис Калинкин. - Аларның эшен шәхсән контрольдә тотарга кирәк. Идарәче компанияләргә бәйрәмнәрдә ишегалларын вакытында җыештыру кирәклеге турында искә төшерәбез». </p> <p> <b>Яңа ел бәйрәмнәре чорында, 31-нче декабрьдән 8-нче гыйнварга кадәр, торак коммуналь хуҗалык мәсьәләләре буенча гаризалар кабул итү телефоннары:</b> </p> <p> «Ачык Казан» +7(843)236-41-23 </p> <p> Торак коммуналь хуҗалык комитеты +7(843)590-04-26 </p> <p> Казан районнары администрацияләре </p> <p> Авиатөзелеш һәм Яңа Савин районнары +7(843) 519-34-00 </p> <p> Вахитов һәм Идел буе районнары +7(843)264-30-96 </p> <p> Киров һәм Мәскәү районнары +7(843)557-76-10 </p> <p> Совет районы +7(843)272-01-05 </p> <p> «Иске шәһәр» префектурасы +7(843)205-35-37 </p>

2019-12-30T11:21:48+0300