28 нче октябрьдән Казаннан Паратск һәм Зөягә баручы шәһәр яны поездларының хәрәкәт графигы үзгәрәчәк

Яңа җәдвәл Чувашия Республикасында Вурнара тукталышын өстәү белән бәйле рәвештә гамәлдә булачак.

Фото: Денис Гордийко

(Казан шәһәре KZN.RU, 19 нчы октябрь). 28 нче октябрьдән Казаннан Паратск һәм Зөягә баручы шәһәр яны поездларының хәрәкәт графигы үзгәрәчәк. Яңа җәдвәл Чувашия Республикасында Вурнара станциясенә Казан – Түбән Новгород – Казан поездлары өчен тукталыш өстәү сәбәпле кертелә.

Татарстан башкаласыннан Паратскига баручы 6323 нче номерлы поезд Казан станциясеннән 15:10 сәгатьтә китәчәк. Паратск станциясенә 16:23 сәгатьтә килеп җитәр дип көтелә.

6003 нче номерлы Казан – Зөя поезды ТР башкаласы станциясеннән 11:22 сәгатьтә китәчәк. Поезд Зөя станциясенә 12:39 сәгатьтә килеп җитәчәк.

«Содружество» АҖ матбугат хезмәте хәбәр итүенчә, өстәмә тукталыш пассажирларга хезмәт күрсәтүнең сыйфатын яхшырту өчен халыкның күпсанлы мөрәҗәгатьләре буенча кертелгән.

Барлык маршрутлар буенча тулырак мәгълүматны +7(937)625-04-33 (тәүлек
буе) телефоны, «Содружество» АҖ сайтында, «Россия тимер юллары – пассажирларга» мобиль кушымтасында, кассаларда һәм тукталыш
пунктларындагы мәгълүмат стендларында алырга мөмкин.

Шулай ук укыгыз

Барлык яңалыклар