28 июньнән Казан – Кизнәр шәһәр яны поездының җәдвәле үзгәрә

Бу маршрутның “942 км” платформасында өстәмә тукталыш кертү белән бәйле.

(Казан шәһәре KZN.RU, 22-нче июнь). 28 июньнән Казан – Кизнәр шәһәр яны поездының җәдвәле үзгәрә. Бу маршрутта “942 км” платформасында өстәмә тукталыш кертү белән бәйле.

Кукмара станциясенә кадәр поезд гамәлдәге җәдвәл буенча бара, Кекоран тукталышына килеп җитү 07.12-07.13 сәгатькә планлаштырылган, Нократ Аланына – 07.21-07.22 сәгатьтә. “942 км” платформасында тукталыш җәдвәл буенча 07.25-07.26 сәгатьтә булырга тиеш, “Ямное” станциясендә – 07.30-07.31 сәгатьтә. Алга таба иске җәдвәл гамәлдә булачак.

Шәһәр яны поездлары җәдвәле турында тулырак мәгълүматны 8-937-625-04-33 номеры аша, сайтта һәм “Пригород” мобиль кушымтасында алырга мөмкин, дип хәбәр итә “Содружество” ААҖ Шәһәр яны пассажир компаниясе матбугат хезмәте.

Шулай ук укыгыз

Барлык яңалыклар