26 нчы сентябрьдән кайбер шәһәр яны поездларының йөрү тәртибе үзгәрәчәк

Гамәлдәге график белән вакыт аермасы бер минуттан алып сәгать ярымга кадәр булачак.

Фото: Денис Гордийко

(Казан шәһәре KZN.RU, 21 нче сентябрь). 26 нчы сентябрьдән 6 нчы октябрьгә кадәр техник сәбәпләр аркасында кайбер шәһәр яны поездларының йөрү тәртибе үзгәрәчәк.

6427 нче номерлы Сосновка – Казан һәм 6477 нче номерлы Коркачык – Яшел Үзән поездларының гамәлдәге җәдвәле белән вакыт аермасы бер минуттан алып сәгать ярымга кадәр тәшкил итәчәк.

Барлык маршрутлар буенча тулырак мәгълүматны +7(937)625-04-33 (тәүлек буе) телефоны аша, «Содружество» АҖ сайтында, «Россия тимер юллары пассажирларга» мобиль кушымтасында, кассаларда һәм тукталыш пунктларындагы мәгълүмат стендларында алырга мөмкин.

Шулай ук укыгыз

Барлык яңалыклар