24 апрельдән 28 апрельгә кадәр Казан гыйбадәтханәләрендә Пасха гыйбадәтләре узачак

Аларны Казан һәм Татарстан митрополиты Феофан җитәкләячәк.

(Казан шәһәре KZN.RU, 23-нче апрель). 24-нче апрельдән 28-нче апрельгә кадәр Казан һәм Татарстан митрополиты Феофан Казан гыйбадәтханәләрендә Пасха алдыннан соңгы пост атнасы һәм Христосның яңадан туу бәйрәменә гыйбадәт кылачак.

24-нче апрель көнне, Бөек чәршәмбедә, архипастыр Казан митрополиты, изге-рухани Кирилл архиерей ихатасында (Чистай ур., 30) руханилар литургиясе белән җитәкчелек итәчәк. Гыйбадәт 8.30 сәгатьтә башлана.

25-нче апрельдә, Бөек пәнҗешәмбедә Татарстан митрополиясе башлыгы Петропавловск соборында (Муса Җәлил ур., 21) Бөек Василий литуриясен үтәячәк. Гыйбадәт 8.30 сәгатьтә башлана.

25-нче апрель кичендә хаким Феофан Бөек Казан-Богородицкий ирләр монастырендә (Большая Красная ур., 5) Гайсә Мәсих кичергән изге вакыйгалардан 12 Евангелиене укып җомга иртәңгесен үтәячәк. Гыйбадәт 17.00 сәгатьтә башлана.

26-нчы апрель көнне, Бөек җомга көнендә, Гайсә Мәсихнең изге коткару вакыйгаларын искә төшерү – Зилант Успение хатын-кызлар монастырендә (Архангельск ур., 1) плащаницаны чин белән чыгару киче. Башлана 14.00 сәгатьтә.

26-нчы апрель кичендә архипастырь Никольск кафедраль соборында (Бауман ур., 5) Коткаручыны җирләү чины белән гыйбадәт кылачак. Башлана 17.00 сәгатьтә.

27-нче апрельдә, Бөек шимбә көнендә, хаким Феофан изге Серафим Саровский гыйбадәтханәсендә (Сафиуллин ур., 7) Бөек Василий литуриясен җитәкләячәк. Гыйбадәт 8.30 сәгатьтә башлана. Гыйбадәт кылганнан соң пасха ризык-куличлары һәм йомыркалар гыйбадщт белән изгеләндереләчәк.

28-нче апрельгә каршы төндә, Пасха бәйрәмендә, митрополия башлыгы Раифа Богородицкий ирләр монастырендә бәйрәм гыйбадәтләрен башкарачак. Төн уртасы гыйбадәте 23.30 сәгатьтә башлана. Төн уртасында тәре йөреше була, аннан соң - Пасха иртәнге гыйбадәте һәм Бөек литургия.

Исегезгә төшерәбез, пасха хезмәте тәмамланганнан соң Казанда махсус транспорт биреләчәк - «Үзәк стадион» тукталышында 8.00 сәгатькә 8 автобус һәм бер троллейбус тупланачак.

Шулай ук укыгыз

Барлык яңалыклар