18 нче сентябрьдән 32 шәһәр яны поезды өчен юл вакыты кыскарачак

Үзгәрешләр Казан белән Зөя, Паратск, Арча, Сосновка һәм башка маршрутларга кагылачак

Фото: Денис Гордийко

(Казан шәһәре KZN.RU, 13 нче сентябрь). 18 нче сентябрьдән 32 шәһәр яны поезды өчен юл вакыты кыскарачак. Килү яки китү вакыты арасындагы аерма бер-тугыз минут тәшкил итәчәк. Бу хакта «Содружество» АҖ матбугат хезмәте хәбәр итә.

Үзгәрешләр Казан белән Зөя, Төрлемә, Паратск, Арча, Канаш, Сосновка станцияләре арасындагы маршрутларга да кагылачак.

Шулай ук Казан – Волжск, Албаба – Казан, Казан – Бөреле, Казан – Шәмәрдән, Краснозаринск – Коркачык, Зөя – Бөреле, Яшел Үзән – Арча, Нократ Аланы – Казан, Арча – Албаба, Коркачык – Яшел Үзән һәм Ижевск – Казан шәһәр яны поездларының хәрәкәт графигы үзгәрә.

Өстәмә мәгълүматны +7(937)625-04-33 телефоны буенча белергә мөмкин.

Шулай ук укыгыз

Барлык яңалыклар