18 апрельдән Казанда алты сезонлы бакча маршрутының хәрәкәте яңадан башлана

2024 елда алардан 685 мең тирәсе кеше файдаланган

18 апрельдән Казанда сезонлы бакча маршрутлары буенча пассажирлар йөртү яңадан башланачак. Автобуслар иң кирәкле алты юнәлеш буенча 1 ноябрьгә кадәр йөриячәк. Эш көннәрендә тугыз берәмлек, ял көннәрендә – 11 транспорт җәлеп ителәчәк.

Пассажирлар түбәндәге маршрут автобусларыннан файдалана алачак:

39с номерлы автобус – «Ветеринария академиясе» – Дәрвишләр тимер юл станциясе;

41с номерлы автобус – «39 нчы квартал» – «Крутушка» бакчачылык җәмгыяте»;

92с номерлы автобус – «Ленин исемендәге мәдәни-ял итү комлексы» – «Дальние сады»;

101с номерлы автобус – «Горький шоссесы» – «Текстильщик» бакчачылык җәмгыяте»;

109с номерлы автобус – «Полет» кафесы» – «Заречье» коммерцияле булмаган бакчачылык ширкәте»;

№111с номерлы автобус – «Җиңү проспекты» метро станциясе – «Май комбинаты».

Казанның сезонлы автобус маршрутларында йөрү бәясе маршрутка бәйле рәвештә турыдан-туры ташучылар тарафыннан билгеләнә. Сезонлы тарифларның тулы исемлеге һәм маршрутларның актуаль графигы белән сайтта танышырга мөмкин. Казан Транспорт комитетының кайнар линиясе телефоны: +7 (843) 223-28-28.

Билгеләп үтәргә кирәк, 2024 елда сезонлы бакчачылык маршрутларыннан 685 мең тирәсе кеше файдаланган.

Шулай ук укыгыз

Барлык яңалыклар