14 апрельдән Татарстанда янгынга каршы режим гамәлгә керәчәк

14 апрельдән Татарстанда янгынга каршы режим гамәлгә керәчәк

<p> 14 апрельдән 11 майга кадәр Татарстанда, язгы-җәйге чорда янгын куркынычсызлыгы дәрәҗәсе арту сәбәпле, янгынга каршы махсус режим кертеләчәк. Тиешле <a target="_blank" href="https://pravo.tatarstan.ru/tat/npa_kabmin/post?npa_id=1610519">карарны</a> республика Премьер-министры Алексей Песошин имзалады. </p> <p> Документ нигезендә, бу чорда учак ягу, каты көнкүреш калдыкларын, коры үлән һәм чүп-чарны яндыру тыела. Янгын куркынычы янаган территорияләрдә, мангаллар һәм мичләр кебек янмый торган махсус савытларда ризык әзерләү өчен ачык уттан файдалану тыела. Җәмәгать туклануы объектлары искәрмә булып бара. </p> <p> Шулай ук балалар ялы һәм аларны сәламәтләндерү оешмалары, бакчачылык һәм яшелчәчелек ширкәтләре территорияләрендә, икътисад объектларында, урман-парк зоналарында һәм янгыннарга дучар булган торф кишәрлекләрендә 1–3 класслы хәтәр пиротехника эшләнмәләрен куллану тыела. </p> <p> Өстәвенә, югарыга күтәрелү принцибы конструкцияләр эчендә һаваны ачык ут ярдәмендә җылытуга нигезләнгән янучан материаллардан идарә ителми торган эшләнмәләр җибәрү тыела. </p> <p> ТР муниципаль берәмлекләре башлыкларына янгынга каршы вакытлыча постлар булдыру һәм янгын куркынычы булган урыннар янында минераль полосалар булдыру эшләрен төгәлләү йөкләнде. Территорияләрне коры үсемлекләрдән, янучан материаллардан чистартырга, шулай ук патруль-пост төркемнәре эшен оештырырга. </p> <p>   </p>

2025-04-10T15:48:00+0300