13 июльдән Казан – Зөя һәм Зөя – Арча юнәлешендәге шәһәр яны поездларының маршрутлары үзгәрә

29-нчы сентябрьгә кадәр шимбә һәм якшәмбе көннәрендә алар Төрләмә станциясенә кадәр йөриячәк.

(Казан шәһәре KZN.RU, 10-нчы июль). 13-нче июльдән шимбә һәм якшәмбе көннәрендә Казан – Зөя һәм Зөя – Арча шәһәр яны поездлары маршрутлары Төрләмә станциясенә кадәр йөриячәк.

Шулай итеп, 6001-нче номерлы поезд Казаннан 8.15 сәгатьтә кузгалачак, Зөя станциясенә кадәр гамәлдәге җәдвәл буенча хәрәкәт итәчәк. Зөя станциясеннән 9.28 сәгатьтә кузгалып китү планлаштырыла, аннары «746 километр», «Ширданы» һәм «Воробьевский» платформаларында тукталышлар каралган. Төрләмә станциясенә поезд 9.54 сәгатьтә килә.

Зөядән Арчага хәрәкәт итә торган 6476-нчы номерлы поезд Төрләмә станциясеннән 10.43 сәгатьтә кузгалачак. Аннары ул «Воробьевский», «Ширданы» һәм «746 километр» платформаларында тукталыш ясаячак. Состав Зөягә 11.07 сәгатьтә килә, ә алга таба гамәлдәге җәдвәл буенча хәрәкәт итә. Арча станциясенә 13.36 сәгатьтә килә.

«Содружество» шәһәр яны компаниясе матбугат хезмәте хәбәр иткәнчә, маршрутка үзгәрешләр пассажирларга хезмәт күрсәтү сыйфатын яхшырту өчен кертелә һәм 13-нче июльдән 29-нчы сентябрьгә кадәр гамәлдә булачак. Шәһәр яны поездлары хәрәкәте җәдвәле турында мәгълүматны тәүлек дәвамында түбәндәге телефон аша шалтыратып: 8(937) 625-04-33, сайтта һәм «Пригород»мобиль кушымтасында белергә була.

Шулай ук укыгыз

Барлык яңалыклар