13-нче декабрьдән Казан шәһәр яны поездларының хәрәкәт итү графигы үзгәрәчәк

Арча, Зөя, Албаба, Сосновка, Канаш һәм башка станцияләргә кадәр хәрәкәт итә торган электричкалар яңа җәдвәл буенча йөриячәк.

Фото: Казан шәһәре KZN.RU

(Казан шәһәре KZN.RU, 10-нчы декабрь). 13-нче декабрьдән шәһәр яны поездларының җәдвәле үзгәрәчәк. Яңа график буенча Казаннан Арча, Зөя, Албаба, Сосновка, Канаш һәм башка станцияләргә хәрәкәт итә торган электричкалар йөриячәк.

Әйтик, 6423-нче номерлы шәһәр яны поезды Кизнер станциясеннән 19 минутка иртәрәк, 6.41 сәгатьтә китәчәк. Казан станциясенә килү 9.38 сәгатькә (17 минутка алданрак) планлаштырылган.

6432-нче номерлы шәһәр яны поезды Казан станциясеннән 32 минутка соңрак, 11.04 сәгатьтә китәчәк. Арча станциясенә килү 12.56 сәгатькә (45 минутка соңрак) планлаштырыла.

Гамәлдәге җәдвәл белән биш минуттан артык аерма шулай ук №6355 Казан - Зөя, №6365 һәм №6362 Казан - Албаба - Казан шәһәр яны поездларына да кагылачак.

Биш минутка кадәр 6357-нче һәм 6358-нче номерлы Казан - Канаш - Казан, 6366-нчы һәм 6364-нче номерлы Албаба - Казан, 6302-нче, 6356-нчы, 6004-нче, 6003-нче номерлы Казан - Зөя - Казан, 6324-нче номерлы Паратск - Казан, 6434-нче номерлы Казан - Арча, 6440-нчы һәм 6427-нче Казан - Сосновка - Казан поездлары җәдвәле үзгәрәчәк, дип хәбәр ителә ТР Транспорт һәм юл хуҗалыгы министрлыгы сайтында.

Шәһәр яны поездлары җәдвәле турында тулырак мәгълүматны +7(937)625-04-33 (тәүлек буе) телефоны буенча; «Пригород» һәм «РЖД Пассажирам» мобиль кушымтасында, кассаларда һәм тукталыш пунктларындагы мәгълүмат стендларында алырга мөмкин.

Шулай ук укыгыз

Барлык яңалыклар