1 майдан Казанда «Нәрсә? Кайда? Кайчан?» интеллектуаль уеннары буенча XIX Россия чемпионаты старт ала

Узган ел чемпионат Санкт-Петербургта узды, һәм ике категориядә дә Казан командалары җиңү яулады.

(Казан шәһәре KZN.RU, 30-нчы апрель). 1-нче майдан 4-нче майга кадәр Татарстан башкаласында «Нәрсә? Кайда? Кайчан?» интеллектуаль уеннары буенча XIX Россия чемпионаты узачак. Ярышларның ачылышы 2-нче майда 10.30 сәгатьтә «Казан Экспо» яңа халыкара күргәзмә үзәгендә узачак.

Чемпионатта илнең 26 төбәгеннән 550 укучы катнаша. Уеннар «кече мәктәп укучылары» һәм «өлкән мәктәп укучылары» ике категориясендә узачак.

Чемпионатта Казанны 131-нче лицейдан мәктәп командалары, Н.И.Лобачевский исемендәге лицейның һәм 19-нчы гимназиянең җыелма командалары тәкъдим итә.

Узган ел чемпионат Санкт-Петербургта узды, һәм ике категориядә дә Казан командалары җиңү яулады.