1 нче майдан Казанда җир өсте җәмәгать транспортында йөрү бәясе үзгәрәчәк

Кәгазь акча һәм банк картасы белән түләгәндә юл бәясе бер сумга артачак.

Фото: Денис Гордийко

(Казан шәһәре KZN.RU, 22 нче апрель). 1 нче майдан башлап Казанда Татарстан Республикасының Тарифлар буенча дәүләт комитеты карары буенча җир өсте җәмәгать транспортында пассажирлар һәм багаж ташуга яңа тарифлар гамәлдә булачак.

Кәгазь акча һәм банк картасы белән түләгәндә юл бәясе бер сумга артачак – 36 сум һәм 31 сум тәшкил итәчәк, транспорт картасы белән түләгәндә – 31 сум. Ташламага ия булучылар өчен компенсация 23 сум тәшкил итәчәк.

Шәһәрнең транспорт предприятиеләре юл бәясен арттыру турындагы мәсьәлә белән Казанның Транспорт комитетына мөрәҗәгать иттеләр, аннары Документлар ТР Тарифлар буенча дәүләт комитетына җибәрелде. Тарифлар артуның төп сәбәпләре – узган елда инфляция дәрәҗәсе, дизель ягулыгына бәяләр арту, шулай ук җәмәгать транспортына техник хезмәт күрсәтү өчен комплектлау һәм запас частьләрнең кыйммәтләнүе. Нәтиҗәдә, ТР Тарифлар буенча дәүләт комитеты кәгазь яки банк картасы белән түләгәндә юл бәясен 3% ка арттыру турында карар кабул итте, ә транспорт картасы өчен түләүне исәпкә алып, гомуми артым 9% тәшкил итәчәк, бу инфляциянең уртача дәрәҗәсенә туры килә.

Бүген Казанда 11 транспорт предприятиесе эшли, аларда 5 меңнән артык кеше хезмәт итә. Пассажирлар йөртүчеләрнең гомуми паркында 730 автобус, 85 трамвай, 136 троллейбус һәм метрополитенның 15 поезды исәпләнә.

Банк картасы юл йөрү өчен түләүнең иң популяр ысулы булып тора – аннан пассажирларның 40,2% ы файдалана. Ташламалы категориягә 32,3% пассажир керә. Шәһәр халкының 19% ы транспорт картасыннан файдалана. Пассажирларның гомуми саныннан 8,6% ы акчалата түли.

Шулай ук укыгыз

Барлык яңалыклар