1 февральдән Россия Почтасы икенче яртыеллыкка вакытыннан алда язылуны рәсмиләштерә башлый

Вакытлы мәгълүмат басмаларына 2019 елның беренче яртыеллыгы бәяләре буенча язылып була.

(Казан шәһәре KZN.RU, 1-нче февраль). Бүгенге көннән Россия Почтасы 2019 елның икенче яртыеллыгына вакытыннан алда язылу кампаниясен башлый. Яраткан вакытлы мәгълүмат басмаларына 2019 елның беренче яртыеллыгы бәяләре буенча 31 мартка кадәр язылырга мөмкин.

Ике ай дәвамында барлык теләүчеләр дә газеталарга һәм журналларга язылу рәсмиләштерә алалар. Сайтта яки почта бүлекчәләрендә басмаларны үзләре өчен генә түгел, Россиянең башка төбәкләрендә туганнар һәм якыннар өчен дә яздырып була.

Язылу кампаниясе барышында федераль почта операторы Россия Элемтә һәм массакүләм коммуникацияләр министрлыгы каршындагы төбәк басма Массакүләм мәгълүмат чаралары буенча Экспертлар советы исемлегенә керүче басмаларга "Россия Почтасының" үз каталогы буенча 25% күләмендә ташлама яки альтернатив коммерцияле яздыру агентлыклары каталоглары буенча 20% күләмендә ташлама бирәчәк. Бу кампаниягә ташлама алучы басмалар исемлеге 2500 атамадан артык булды, дип хәбәр итә "Россия почтасы" матбугат хезмәте.

Шулай ук сайтта һәм почта бүлекчәләрендә "Игелек агачы" хәйрия акциясе дәвам итә, аның кысаларында теләге булган һәркем үзе сайлаган конкрет балалар йорты, интернат-йорты, ветераннар һәм өлкәннәр йорты адресына теләсә кайсы басмага языла ала.

Шулай ук укыгыз

Барлык яңалыклар