Кайбер шәһәр яны поездлары җәдвәлдән чыгарыла

Бу кышкы чорга күчү һәм пассажирлар агымының кимүе белән бәйле.

Фото: Казан шәһәре KZN.RU

(Казан шәһәре KZN.RU, 23-нче сентябрь). Кайбер шәһәр яны поездларының хәрәкәт графигы кышкы чорга күчү һәм пассажирлар агымы кимүгә бәйле рәвештә үзгәрәчәк.

Җәдвәлдән түбәндәге шәһәр яны поездлары чыгарыла:

1-нче октябрьдән – Казан – Зөя юнәлешендәге 6001-нче номерлы , Арча – Казан юнәлешендәге 6437-нче номерлы һәм Казан – Арча юнәлешендәге 6432-нче номерлы поездлар.

3- нче октябрьдән – Казан – Төрләмә юнәлешендәге 6001-нче номерлы поезд.

16-нчы октябрьдән – Казан – Йошкар-Ола юнәлешендәге 6383-нче номерлы поезд.

17-нче октябрьдән – Йошкар-Ола – Казан юнәлешендәге 6382-нче номерлы поезд.

1- нче октябрьдән шулай ук шәһәр яны поездлары маршрутлары да кыскара. Шулай итеп, Казан – Вятка Аланы юнәлешендәге 6420-нче номерлы поезд гамәлдәге үзгәрешсез җәдвәл белән Казан – Кукмара юнәлеше буенча йөриячәк. Казан станциясеннән 6.00 сәгатьтә китә, Кукмара станциясенә 8.59 сәгатьтә килә. Вятка Аланы– Казан юнәлешендәге 6425 нче номерлы поезд Кукмара – Казан юнәлешендә гамәлдәге җәдвәл буенча хәрәкәт итәчәк. Кукмара станциясеннән 12.06 сәгатьтә китә, Казан станциясенә 15.11 сәгатьтә килә, дип хәбәр итә «Содружество» акционерлык җәмгыяте.

Шәһәр яны поездлары җәдвәле турында тулырак мәгълүматны тәүлек буе эшли торган +7(937)625-04-33 телефон номеры яисә сайтта алырга мөмкин.

Шулай ук укыгыз

Барлык яңалыклар