Рөстәм Гафаров Куклиннар гаиләсенә «Мәхәббәт һәм тугрылык өчен» медален тапшырды

Рөстәм Гафаров Куклиннар гаиләсенә «Мәхәббәт һәм тугрылык өчен» медален тапшырды

<p> <img width="870" src="https://www.kzn.ru/upload/iblock/ea7/IMG_0049.jpg_870.jpg" height="652"><br> </p> <p> <span style="color: #3d3d3d;">(Казан шәһәре KZN.RU, 8-нче июль). Бүген Россиядә иң мөһим бәйрәмнәрнең берсе - Гаилә, мәхәббәт һәм тугрылык көне билгеләп үтелә. Әлеге вакыйга хөрмәтенә гаилә нигезләренең ныклы булуы белән танылу алган 12 гаилә парына иҗтимагый бүләк - «Мәхәббәт һәм тугрылык өчен» истәлекле медале тапшырылачак. Беренче пар - Олег һәм Татьяна Куклиннар, алар киләсе елда «алтын туйларын» - бергә яшәүнең 50 еллыгын билгеләп үтәчәкләр. Котлауларны һәм медальне алар Башкарма комитет җитәкчесенең беренче урынбасары Рөстәм Гафаровтан алдылар.</span> </p> <p> <span style="color: #3d3d3d;">Куклиннар - «Казаньоргсинтез» гамави акционерлык җәмгыяте предприятиесендә гомер буе эшләгән хезмәт ветераннары. Гаилә башлыгы Олег Андреевич Куклин, быел аңа 72 яшь тулган, ТУ-11 көллиятен тәмамлаган - бүген ул Лушников исемендәге көллият. 1966 елда Олег Андреевич «Казаньоргсинтез»га 2021-2045-нче номерлы цехка аппаратчы вазифасына эшкә килә, ә параллель рәвештә КХТИны тәмамлый. Ул берничә тапкыр заводның мактау грамоталары белән бүләкләнә, 1970 елда аңа «Фидакарь хезмәт өчен» медале тапшырыла, ә 1972 елда - «Иң яхшы өлкән аппаратчик» исеме бирелә. Олег Андреевичның гомуми хезмәт стажы - 43 ел.</span> </p> <p> <span style="color: #3d3d3d;"><img width="435" src="https://www.kzn.ru/upload/iblock/f10/IMG_0093.jpg" height="326" align="left"></span><span style="color: #3d3d3d;">Тормыш иптәше Татьяна Вячеславовна Куклина, 1968 елда көллиятне тәмамлаганнан соң, шулай ук «Казаньоргсинтез» гавами акционерлык җәмгыятенә производствода лаборант булып урнаша. Ире кебек үк, хезмәт елларында ул берничә тапкыр предприятиедән рәхмәт сүзләре белән бүләкләнә, ә 1984 елда «11-нче бишьеллык ударнигы» билгесе белән бүләкләнә. 1990 елда Татьяна Вячеславовнага «Казаньоргсинтез» гавами акционерлык җәмгыятенең хезмәт ветераны» исемен бирәләр, аның гомуми хезмәт стажы - 36 ел.</span> </p> <p> <span style="color: #3d3d3d;">Олег Андреевич һәм Татьяна Вячеславовна 1971 елда өйләнешәләр, һәм киләсе елның маенда алар «алтын туйларын» - бергә яшәүнең 50 еллыгын - билгеләп үтәчәк. Гаиләдә ике бала туа - төзелеш фирмасында эшләүче уллары Антон һәм кызлары Ольга, ул әти-әниләре эзе буйлап киткән һәм инде 20 елдан артык «Казаньоргсинтез» гавами акционерлык җәмгыятендә эшли. Шунысы кызыклы, Ольганың ире һәм олы улы да шул ук предприятиедә эшлиләр. Моннан тыш, Олег Андреевич һәм Татьяна Вячеславовнаның биш оныгы бар.</span> </p> <p> <span style="color: #3d3d3d;"><img width="435" src="https://www.kzn.ru/upload/iblock/5d3/IMG_0019.jpg" height="326" align="right"></span><span style="color: #3d3d3d;">Рөстәм Гафаров гаилә парына «Мәхәббәт һәм тугрылык өчен» медален тапшырды. «Безнең шәһәрдә сезнеке кебек гаиләләр булуга без бик шат. Сез үзегезнең үрнәгегез белән якын кешеләргә генә түгел, ә сезне белгән һәркемгә дә ничек тату һәм тыныч гомер итәргә, балаларны ничек тәрбияләргә кирәклеген күрсәтәсез, - дип мөрәҗәгать итте ул аларга. - Сез чыннан да үзегез белән горурлана торган искиткеч балалар тәрбияләдегез. Сез «Казаньоргсинтез»га күп елларыгызны багышладыгыз, һәм сезнең хезмәт юлыгыз сайланган эшкә тугрылык һәм намус үрнәге булды. Сәламәтлек, бәхет телибез сезгә! Балаларыгыз һәм оныкларыгыз һәрвакыт сездән үрнәк алсын».</span> </p> <p> <span style="color: #3d3d3d;">Куклиннар гаиләсе ныклы гаилә төзүнең серләре белән уртаклашты. «Гаилә бәхетенең сере - бер-береңне аңлауда, гармониядә. Кайчакта, ачуланышуга караганда, кайдадыр дәшмәвең яхшырак. 50 ел эчендә без бер-беребезгә «ияләштек», шуңа күрә ниндидер аңлашылмаучылыкларны ничек җайларга, тынычлыкны ни рәвешле саклап калырга икәнлеген беләбез», - дип сөйләделәр алар.</span> </p> <p> <span style="color: #3d3d3d;">Исегезгә төшерәбез, бүген Казанда «Мәхәббәт һәм тугрылык өчен» медальләре белән озак еллар бергә яшәгән һәм балаларын, оныкларын тәрбияләгән </span><a href="http://www.kzn.ru/meriya/press-tsentr/novosti/8-iyulya-v-kazani-otmetyat-den-semi-lyubvi-i-vernosti/" target="_blank"><span style="color: #0d5baa;">12 гаилә пары</span></a><span style="color: #3d3d3d;"> бүләкләнәчәк.</span> </p> <p> <span style="color: #3d3d3d;">Авыр эпидемиологик вәзгыять аркасында һәм бүләкләнүчеләрнең өлкән яшьтә булуын исәпкә алып, чаралар өйдә уздырыла. Соңрак, санитар-эпидемиологик вәзгыять тотрыклыланганнан соң, бәйрәмне тантаналы шартларда уздыру планлаштырыла.</span> </p>

2020-07-08T13:10:21+0300