Рөстәм Гафаров: «Юллар, тукталышлар торышын һәм җәмәгать транспорты эшен без аерым контрольгә алабыз»

Казанда Яңа ел чараларын әзерләү һәм үткәрү көннәрендә кайбер урамнарда хәрәкәтне чикләргә мөмкиннәр

Фото: Денис Гордийко

(Казан шәһәре KZN.RU, 18 нче декабрь, Диләрә Гафурова). Казанда Яңа ел чараларына әзерлек һәм аларны үткәрү вакытында юлларда җәмәгать тәртибен һәм куркынычсызлыгын саклауга аерым игътибар биреләчәк. Хәрәкәтне чикләү турында карарлар юл шартларыннан чыгып, ягъни Яңа ел мәйданчыклары кешеләр белән тулган саен, ЮХИДИ тарафыннан кабул ителәчәк, дип хәбәр итте шәһәр Башкарма комитеты җитәкчесе урынбасары Гүзәл Сәгыйтова аппарат киңәшмәсендә.

Ул билгеләп үткәнчә, 23 нче декабрьдә – төп чыршы шәһәрчеге ачылган көнне, 31 нче декабрьдә һәм Яңа ел каникуллары көннәрендә шәһәр халкының һәм шәһәр кунакларының бәйрәм мәйданчыкларына күпләп килүе көтелә.

«Яңа ел бәйрәмнәре – Башкарма комитет, МУП һәм Мәдәният идарәсе хезмәткәрләре өчен зур йөкләнеш чоры. Без эшне көчәйтәбез. Беренчедән, әлеге вакытта шәһәрдә кешеләр саны шактый арта – күпләр бүләкләр алырга килә, ә бәйрәм якынлашкан көннәрдә туристлар саны ишәя. Юл челтәренә һәм транспортка йөкләнеш шактый арта, нәкъ менә шуңа күрә юлларның, тротуарларның, тукталышларның торышын һәм җәмәгать транспорты эшен без аерым контрольгә алабыз», – дип йомгаклады ТР башкаласы Башкарма комитеты җитәкчесе.