Рөстәм Гафаров: «Элек яшүсмерләр клубларына ял көннәрендә йозак эленә иде. Хәзер алар атнага җиде көн эшли»

Рөстәм Гафаров: «Элек яшүсмерләр клубларына ял көннәрендә йозак эленә иде. Хәзер алар атнага җиде көн эшли»

<p> </p> <div class="detail-picture"> <img src="https://kzn.ru/upload/iblock/b90/b9046d9eedb3b7e2874e230882c4c290.jpg"> <p class="detail-picture__caption"> Фото: Марат Мөгыйнов </p> </div> «Яшүсмер» МБУ киләсе каникуллар вакытында шәһәрдә ял итәчәк балалар өчен «Җәй нокталары» дигән махсус программа әзерләгән. Алар өчен иҗади мастер-класслар, спорт уеннары, ачык дәресләр һәм башка чаралар оештырылачак. Бу хакта эшлекле дүшәмбедә Казанның балалар һәм яшьләр эшләре комитеты рәисе Алия Заһидуллина хәбәр итте.<br> <p> </p> <p> <span style="color: #2c2d2e;"> «Элек яшүсмерләр клубларына ял көннәрендә йозак эленә иде, хәзер алар атнага җиде көн эшли. Мөһим эшчәнлек алып баралар – балаларның җәйге ялын оештыралар. Барысының да шәһәрдән читтә ял итү мөмкинлеге юк, шуңа күрә андый малайларны һәм кызларны иҗади, файдалы эшчәнлеккә максималь рәвештә җәлеп итәргә кирәк», – дип билгеләп үтте шәһәр Башкарма комитеты җитәкчесе Рөстәм Гафаров. </span> </p> <p> Яшүсмерләр клубларында өч яшь төркемендәге балалар өчен чаралар оештыру планлаштырыла. 7 яшьтән 13 яшькә кадәргеләрне – бюджеттан тыш нигездә, 14 яшьтән өлкәнрәкләрне бушлай кабул итәчәкләр. </p> <p> <span style="color: #2c2d2e;">Проект программасы биш көнгә (дүшәмбедән җомгага кадәр) исәпләнгән, аларның һәрберсе билгеле бер тематикага багышлана: «Яраткан шәһәрем», «Гаиләм», «Фән һәм техника дөньясы», «Илем», «БРИКС». Яшьләр үзәкләре, төшке ашка бүленеп, 9:00 дән 18:00 гә кадәр эшләячәк. </span> </p> <p> Ишегалларындагы мәйданчыкларда, шәһәр паркларында һәм скверларында <b>«Ишегалларында җәй»</b> проекты җәелдереләчәк. Ул ачык дәресләрдән, мастер-класслардан, төрле активлыклардан һәм чаралардан гыйбарәт. </p> <p> <b>«Хобби-бокс»</b> күчмә мобиль яшүсмерләр клубы шәһәрнең ерак районнарында яшәүче балалар, үсмерләр һәм яшьләр өчен спорт уеннары, рәсем сәнгате һәм гамәли иҗат буенча мастер-класслар, скетчинг, вокал буенча батллар, бию флешмоблары оештырачак. Ул 10:00 дән 15:00 гә кадәр эшләячәк. Районына карап, бер урында өч көнгә кадәр калырга мөмкин. «Хобби-бокс, ким дигәндә, биш мәйданчыкны колачлаячак», – диде Алия Заһидуллина. Күчмә клубның кайда эшләячәге турындагы мәгълүматны <a href="https://vk.com/podrostokkzn">сылтама</a> буенча табып була. </p> <p> Исегезгә төшерәбез, «Хобби бокс» проекты 2023 елның 1 нче июнендә <a href="https://kzn.ru/meriya/press-tsentr/novosti/pervyy-v-tatarstane-mobilnyy-podrostkovyy-klub-budet-ezhednevno-rabotat-v-poselkakh-kazani/">старт алды</a>. Аның кысаларында чаралар Дәрвишләр, Самосырово, Чабакса һәм шәһәрнең башка поселокларында яшәүче меңнән артык бала һәм яшүсмер өчен оештырылды. </p> <p> <i>Камилә Вилданова</i> </p> <br>

2024-05-20T12:01:00+0300